【小小豬】清熱消滯 山楂桔餅薏米茶
2018-08-22
中秋節都一定食唔少月餅，食到都真係有少少滯滯地。見有朋友仔教煮依個既清熱消滯又可以化痰潤喉嘅涼茶，見咁多好處就當然又跟埋一份，煲嚟俾兩位老細試下啦！
我好耐之前都曾經煲過山楂茶俾小小豬飲，不過當時佢就唔太鐘意，話個味太酸唔多肯飲。今次其實我都考慮左好耐，都係有啲怕小小豬唔飲，始終我煲湯同涼茶都係為左小小豬嘛！
不過我見今次除左山楂之外，仲有生薏米同桔餅，都係啲清熱同化痰潤喉嘅材料，所以就放膽一試，就算小小豬唔飲，我自己飲都唔錯，因為山楂可以消滯之外，仲可以燒脂去水腫，飲左仲唔即刻瘦啲啲！
材料就需要以下幾樣：山楂四両、生薏米一両、桔餅兩個、甘草4片同片糖(一兩相等於37.5g)~
所有材料浸洗一陣；桔餅就切開細細粒，咁就會易啲出味~