【小小豬】增強免疫力: 太子參螺頭瘦肉湯
2016-10-11
呢排開始轉天氣，早晚又帶少少涼風，早前小小豬都好慘慘豬咁病咗幾日，病好就當然要好好調理，要增強免疫力，咁就唔會再病呀！
病好咗嘅小小豬梗係要補補佢，所以就煲呢個太子參螺頭瘦肉湯啦！
今次主要係以太子參為主，佢性質溫和而且補而不燥，同時亦有助增強免疫力，可以用於病後修護、調理身體。最啱小朋友和陰虛内熱體質。
海竹頭、麥冬、沙參滋養氣血、養陰生津同潤肺止咳。再加埋滋陰補腎嘅乾螺頭，咁就可以變成好啱小朋友增強免疫力嘅靚湯啦！
材料需要以下幾樣：太子參1両乾、螺頭10粒、沙參1両、海竹頭2両、淮山10塊、麥冬1両、陳皮1塊及豬肉眼約$40~
陳皮用水浸軟刮瓤；乾螺頭用清水放在雪櫃浸一晚~ 
瘦肉洗淨汆水；其他藥材用清水浸10 分鐘，隔水備用~ 
煲內放約4L水，然後隨水加入果皮~ 