2016-10-11
秋涼嘅天氣總係會令人感到喉嚨乾乾地，唔止我就連小小豬都會間中都有幾聲咳，所以今次就個龍利葉海底椰無花果蘋果茶，等我地三口子齊齊止咳潤肺啦！
龍利葉有助清肺，治肺熱咳嗽；海底椰就可以清燥熱、止咳、滋陰補腎、潤肺養顏、強壯身體機能；再加埋無花果蘋果嘅潤肺滋潤，所以就好啱各位大小朋友齊齊飲呀！
材料就需要以下幾樣：龍利葉約$10、海底椰一両、蘋果四個、南北杏一湯匙及蜜棗約六粒~
等我又嚟長氣提一提，煲湯最好就係用蛇果，同埋要係洗蘋果前會用刀刮一圈，刮走那一層果蠟，咁連皮煲湯時就可以飲得安心啲啦~
蘋果刮去那層果蠟之後，洗淨去芯切塊~
龍脷葉及其他材料洗淨備用~
煲內放入3公升水，隨水將所有材料加入煲內~