【VVinnie】香港教育最大問題就係制度！
2016-11-11
香港，
不乏有心的老師，
無論中學小學定幼稚園，
相信當初都係熱血，
先入行，
點知，
一個二個，
就俾教育制度玩謝。
唔好話老師，
家長都一樣！
近來幼界熱話，
就係幼兒班k1禁寫字。
就咁睇好似好好，
但只要你睇遠啲，
你就會發覺，
其實呢件事要做得成，
係成個教育制度嘅問題。
k1唔寫，
到4-5歲k2先預備，
但上到k3好快就升小一，
小一第一次測驗就7-8頁紙，
咁，
你點說服家長唔咁早寫字？
永遠，
就只看到眼前一小層，
就是沒看到每層環環緊扣咁影響緊⋯⋯
你叫老師要點做？
你一句，
我哋就做到隻野咁！
你一句，
我哋就要做足。
但又明知小朋友上到小學係追得好辛苦，
你叫我哋可以點？
成日有人話依家咁，
唔多唔少係我哋老師做成，
其實都幾冤枉。
好多嘢，
並唔係非黑即白架⋯
不如，
由中學諗啦，
由DSE諗返落嚟，
再去到小學呈分試，
最後先搞我哋幼稚園啦，
好唔好？
作者︰VVinnie
相關文章︰