【小小豬】舒緩喉嚨痛 青欖龍脷葉羅漢果海底椰湯
2016-11-14
話說之前我完全係出唔到聲，飲左兩日鹹竹蜂都總算叫做可以把聲開返好多，同埋喉嚨痛少左好多。
好友見我唔舒服左好幾日，所以就介紹左依款湯俾我，朋友咁用心為我，真係有點感動，加上都係時候要潤返下個喉嚨，作下日常調理同預防再發病嘛！
基本上大部分材料都可以係濕貨店或山草藥店有售，有部分街市花檔都會可以買到，所以都唔難買呀！
材料就有瘦肉約$40、龍脷葉一両(約$10)、青欖十粒、羅漢果半個、南北杏一湯匙、新鮮海底椰(又或者叫棕櫚果)3個~
新鮮海底椰切開；青欖用刀背略拍扁；羅漢果壓碎~ 
新鮮海底椰有一層薄皮，千其唔好除去左，因為嗰層皮係好有益，可以化痰止咳呀~ 
將所有材料洗淨~ 
龍脷葉洗淨；豬肉汆水備用~ 