【CC老師】小朋友偏食怎應付?

2016-11-23


茶點時間,K1班的小朋友會突然變得十分慷慨。面對不喜歡的食物,他們會說:「CC老師,我留返_ _ _(通常是麥米粥、火龍果、啤梨、烚蛋)俾媽咪、爸爸,同佢哋分享呀!」,又或有些小朋友會突然咳嗽得很厲害,還一邊咳,一邊說:「CC老師,我咳,唔食得蘋果。」各位讀者,如果你是CC老師,你會如何回應這一群令人好嬲又好笑的小豆丁呢?

CC老師通常會在派發茶點前先介紹當日的食物,並按食物不受歡迎的程度調整介紹茶點時的語調。沒錯,是按不受歡迎的程度。愈不受歡迎的食物,愈誇張美化它,務求令小朋友在見到食物前已對該食物有美好的印象,如:明知麥米粥,小朋友未曾食過或者較不喜歡吃,CC老師便會說:「我哋今日食麥米粥,咩係麥米粥呢?原來麥米粥係金黃色,d麥米一粒粒,睇起嚟好靚嫁,仲好有營養添。仲有,原來麥米粥係甜甜地,食落好似食緊糖咁,yummmy~~~好好味呀!(必要時還會加多一句:CC老師都好鍾意食嫁!)」。通常這個情況下,小朋友對麥米粥已較為接受,並願意嚐試這種新食物。

因為,在老師介紹的過程中,小朋友對新食物的外貌及味道,有更具體的了解,同時當老師說自己也喜歡進食這種食物時,小朋友會對這種食物有了一定程度的安全感,並基於他們想要獲得老師的認同,他們會較願意進食老師所喜愛的食物。但當然,有一小部分小朋友仍未有勇氣嚐試,或有偏食的問題。這時候,CC老師會以溫柔而堅定的語氣告訴小朋友說:「我明白你唔鍾意食_ _ _,不過我哋唔可以浪費食物。CC老師俾你聞下個食物的香味先(把食物拿近小朋友的鼻子)。」完成後,再說:「CC老師唔使你食,不過你要俾呢個食物掂你嘴唇一下,(輕輕以食物觸碰小朋友的嘴唇)。」完成後再說:「CC老師唔使你食,不過你要用舌頭lum食物一下(把食物拿近小朋友的嘴巴)。」完成後,再說:「CC老師唔使你食晒,不過你要食一啖先可以收餐盒。」如果小朋友能吃一口食物時,CC老師便會信守諾言,請小朋友收拾餐盒。但當下一次再食同樣食物時,CC老師便會請小朋友先食半份,並稱讚他說:「嘩!CC老師欣賞你有珍惜食物,自己食咗半份茶點。」

各位讀者,未知你們有否遇到小朋友偏食的問題呢?你們會用甚麼方法處理呢?希望以上的分享能給大家一點小啟示。如有其他的育兒問題,歡迎電郵至:kids.ccteacher@gmail.com ,期待與大家再作分享。

作者:CC老師

網上圖片

其他文章:【CC老師】淺談分離焦慮症

熱門文章

【語言發展】一歲半的孩子還未說話是發展遲緩嗎?(內含0-2歲言語發展里程碑)︳Miss Ana W.C. Tse (Lia媽媽)
10-12
【網上BB.孕婦嘉年華】解答懷孕、生B、湊B疑難 集合精選產品禮遇
09-30
【BB展2020】8大限定優惠率先睇
10-19
【育兒心得】為甚麼父母總想「一啖食咗BB」?研究:這不是變態或是病,是正常!
10-15
【中醫師教路】飲雞湯 補身唔肥身秘訣
09-25

pamajunior_cat

查看更多   ▸
【幼兒濕疹】新藥膏不含類固醇 顯著紓緩發炎紅腫
2020-10-05
【奶粉飲開唔轉得?】營養師:從有機奶粉着手較好
2020-08-31
【爸媽不用怕】客觀研讀報告 嬰兒奶粉食安管制有方法
2020-08-28
【英國研究】嬰幼兒時期睡覺習慣不正常 青少年時期患精神病、人格障礙風險增加
2020-07-02
【幼兒易中招】腦膜炎雙球菌似感冒 接種疫苗最有效
2020-06-23
【做好 復課 準備】鞏固 幼兒 免疫力 3式
2020-06-09
查看更多   ▸