【Saron】為加固寶寶的媽媽減少煩惱呢！
2016-12-08
謹子喺六個月大嘅時候就開始食固體食物，感恩過程順利，食得好好，到依家就快兩歲啦，基本上已經好識得利用牙齒嘴嚼，而暫時亦無偏食。
在頭半年（6-12個月大）每日我都會自己做飯仔俾柔謹食的，然後放在保溫杯，出街都可食。不過回想煮食過程，我卻不太享受，由於湊囡煮飯一腳踢，好多時都處理唔到太多東西。因此，每星期一我都會到街市買一大堆蔬菜和肉回來，逐樣蒸和煲熟，然後再攪拌，然後入袋放冰箱，一袋一袋的。然後每日就將不同的蔬菜和肉類拿出再蒸熱，加上飯仔，然後給柔謹吃。聽落好似好簡單，但如做過呢個工序嘅媽媽就知係幾咁疲累和不便，諗起第時到細佬要食固體時，我又要重複做以上工序半年以上就有少少頭暈啦…
見Tommee Tippee新推出了一個二合一嘅嬰兒蒸煮攪拌器，都好奇望望咩搞作。
雖然謹子已經過了要將所有食物攪拌的過程，牙齒都生長得好好，但都可以做我的model吧，好讓我之後好好安排食物俾細佬！哈哈！
因為謹子現不喜歡太糊狀的食物，所以我選用菜葉做示範，因為菜葉對她來說有時都太難吞下。
部機的確好易用，有晒menu教大家水果/蔬菜/肉類要蒸幾耐，亦有建議唔同stage食物要攪拌的時間。我先加入450亳升水於水箱，然後設定蒸煮15分鐘，用6秒攪拌時間，按左開關掣，完成就有「嗶、嗶」聲提示。完成咗個菜，我仲試過整番茄肉碎，先將豬肉同番茄切粒，放入機蒸25分鐘再攪拌10秒，打得好碎，不錯，拌落飯仔就變成番茄肉碎菜飯，簡單又健康的一餐呢！
實驗成功！的確唔錯，期待細佬大個少少（六個月後）呢部機可以幫我解決多年頭痛煮baby food既煩惱啊！
作者：Saron