【林作】點解牛劍減少收港生？
2016-12-15
最近睇到一篇報道，內容係講香港學生報讀牛津劍橋大學的取錄比率，較大學的總平均取錄比率要低5-6個百分比。老實講，我絕不意外，這也不是甚麼新鮮話題。
香港的教育制度，一向都比較注重成績，只要攞到幾個A或者5星星就一定前途無可限量。學習的方法也主要是不停的重複練習，練得夠多past paper考試就一定高分。
呢個「求學即是求分數」嘅idea好大可能就係港生報讀牛津劍橋折戟沉沙嘅主因。英國嘅高中生活以及教育，其實遠較香港同樣嘅課程輕鬆容易。從小到大，他們教育主要的目標是inspire學生對各科目的熱情。或許在學識上英國的中學生會稍遜同年紀的香港學生，但他們絕對會比我們更熱愛學習過程。
成績好，只是入讀牛津劍橋的入場券。更重要的，是面試中學生的表現。最主要的，係想考驗學生嘅轉數同應變能力，以及對報讀科學嘅熱愛程度。
面試中，主考官通常會問一些超越學生水平，甚至是與學科無關的問題。目的，係想睇下學生如何發揮創意用唔同嘅角度去解決難題。過程中，考官會不停俾提示引導學生去解題。香港學生，好多時見到一D自己唔識嘅題目，心裏面已經慌咗一截，加上佢哋嘅思維已經俾香港嘅教育制度操練到變得僵化，試問仲點去冷靜咁領悟考官嘅提示同埋解題呢？
其次，考官會好睇重學生對報讀學科有幾熱情。我講嘅唔係話你喺份personal statement上面寫你做過乜乜乜或者比賽攞過乜獎就得，而係考官會通過對話同埋問題對答去真正認識學生。對個subject有幾熱衷，講真，係呃唔到D讀咗嗰科幾十年嘅professor。香港學生，已經被操練到對學科毫無熱情，又點會能夠impress到D教授呢？
撰文：林作
網上圖片
其他文章：