【隔離飯香】德國教育制度解說
2016-12-18
好多人都覺得德國教育數一數二，尤其係某類專科好似機械工程、物理、化學、哲學等，加上德國亦出左唔少攞諾貝爾獎嘅人才，所以好多國家都希望可以從中學習。
德國同香港嘅學校體系好唔同，可以話係錯綜複雜。教育方針係由德國16個聯邦州自理，每一個州都會有少許唔同，但係德國教育宗旨係條條大路通羅馬，跟據學生資質高低，而提供合適嘅教育方式同升學途徑。
簡單嚟講德國小學只係讀到四年级，四年级之後老師會根據學生表現而建議中學教學模式。德國中學分3種：Gymnasium、 Hauptschule、Realschule。三種中學無話邊種好過邊種，因為係分別照顧唔同學習程度嘅學生，但當然學生畢業後嘅出路會唔同。
Gymnasium由5年級讀到12/13年級(大約香港中六至中七)，學生考完Abitur，即係德國A-Level後可以申請入唔同讀嘅大學。
Realschule由5年級讀到10年級(大約香港中四/中五)，成績好的畢業學生可以升讀Gymnasium的11年級，其他學生則可以選擇職業專修學校或高等職業專修學校繼續升學或申請德國常見的學徒培訓計畫。
Hauptschule 學生只讀到9年級，學校都會學Gymanisum或Realschule所教的基本科目，例如：數學、地理、物理、化學、音樂、語言等，但教學速度相對較慢，而且比較注重教授職業技能，學生中學畢業後成績好的學生可以升讀Realschule，其他亦可以入讀職業培訓學院。
德國這一種非單一嘅教育模式，令人諗起一句經常被引用嘅說話 「別用爬樹的能力來判斷一條魚」。學校應該運用多元化教學方式，從前劃一教學模式嘅時代要淘汰。
網上圖片
其他文章：【德國留學101】高等教育學費全免？