【小小豬】止咳化痰 印度椰子雪蓮果素湯
2016-12-19
屋企仲有一粒印度椰子，當然要快快手煲埋佢，如果唔係一陣變壞就浪費晒啦！
印度椰子都煲過好多次，每一個配搭都一樣好好飲，所以今次就嚟個新嘗試，試下用嚟煲個素湯，睇下個味係咪一樣咁正先。另外我仲加埋雪蓮果一齊煲，咁就可以有清熱潤肺同埋止咳化痰功效。
第一次接觸雪蓮果感覺就好似係一粒蕃薯，當然佢就係好有藥用價值同埋保健功效，具有潤腸通便，促進消化，調理腸胃；調理血液，清除高血脂，降低血糖、血脂、血壓，有效抑制膽固醇和糖尿病；消涼退火，清熱解毒，祛斑除痘；增強機體免疫、防癌；有消炎利尿等功效~
印度椰子1個、雪蓮果1個、粟米2條、紅蘿蔔2條、鮮百合3粒、無花果5粒及南北杏1湯匙~
將雪蓮果去皮切塊~
印度椰子洗淨切條；鮮百合洗淨備用~
粟米及紅蘿蔔切段；無花果及南北杏浸洗一陣~
