【柯豬媽媽】 BB食譜分享 – 三文魚時蔬雀巢
2016-12-20
柯豬媽好榮幸收到朋友送的CRISTAL座枱式蒸焗爐Steamaster，自從柯豬加固後柯豬媽十分注重健康煮食，因為煎、炸、炒比較油膩，純蒸或焗就健康得多， 今日就同大家分享一下以CRISTAL為柯豬所製作嘅菜色！
唔知爸媽們細個嘅時候去酒家食晚飯會唔會好期待見到一個餸， 就係一個裝住腰果蔬菜同肉丁嘅炸雀巢，柯豬媽超鍾意的！ 最期待唔係食， 而係用筷子弄散雀巢分享嗰一刻， 因為想俾到柯豬同樣嘅喜悅， 這次設計嘅食譜就係 <三文魚時蔬雀巢>! BB食嘅雀巢唔適合油炸，所以用了Steamaster的熱風對流功能烤出用烏冬砌成的雀巢， 加上蒸煮功能煮成的三文魚和蔬菜，想知點煮就繼續碌落去喇！
材料 :
急凍野生三文魚柳 1片
粟米仔 2條
秋葵 2條
西蘭花 4小棵
急凍烏冬 1個
白胡椒粉 適量 (醃魚用)
oil spray (噴muffin模)
步驟 :
1. 根據包裝指示將鳥冬煮熟，倒去熱水， 加入冰粒令烏冬快速降溫， 或者用凍水過冷河， 咁做可以防止麵條變黏糊糊。
2. 等烏冬變凍期間， 可以準備4個muffin模。翻轉底部噴一層油防黐 (無oil spray嘅話可以用廚房紙巾/掃塗上薄薄一層植物油)。
將烏冬逐條捲住模具， 記得慢慢來唔好心急， 先捲好底部，再捲頂部，最後將餘下嘅空間用烏冬逐條填滿。(有多餘時間可以放入雪櫃雪實淨少少先)
捲好嘅烏冬可以喺表面再噴一噴油，焗出嚟顏色會更好睇。
3. 放入Steamaster以160°c焗30-40分鐘 (熱風對流功能)， 見到烏冬變金黃色及變得實淨就ok。 (可以焗到半個鐘嘅時候檢查下，唔夠企身就再多焗10分鐘)
4. 等待焗製烏冬雀巢期間可以準備餡料。西蘭花、粟米仔、秋葵全部洗乾淨， 切成粒狀 (適合你baby食用嘅size)。 三文魚洗淨刮去魚鱗， 以廚房紙巾印乾水，灑上白胡椒粉。
蔬菜同三文魚分開兩碟擺放上下層， 將Steamaster調校到蒸煮功能， 蒸大約8-10分鐘。
5. 材料蒸熟後，小心翼翼將三文魚去皮去骨， 魚肉分成細片，連同蔬菜粒一齊放喺烏冬雀巢上就完成啦！
柯豬媽媽後記：
這是柯豬媽第一次使用多功能蒸煮烤焗爐，平時如果要煮依道餸，需要開焗爐，再煲一鍋水加個蒸架。今次完全無開過火，真正一機攪掂晒！完成後廚房和工作枱都好乾淨整潔，無任何污跡！對於繁忙嘅在職媽媽或者全職媽媽，煮飯後可以做到零油跡又不凌亂嘅廚房真係like a dream！
依個CRISTAL 意大利品牌蒸焗爐，可以纯蒸，純焗、蒸+焗、燒烤、熱風對流烤焗、解凍、保温及消毒，集多功能於一身，唔使東一部機，西一部機，慳番唔少位置，好適合地方有限嘅香港家庭。
不銹鋼手柄，手感好好，好輕易就能拉開玻璃門。
爐內空間都好大，可以同時放入最多3-4層食材，慳到時間同時又慳到能源！
水箱加滿水後可以連續蒸煮個多小時。
液晶顯示版面，操作簡易，看圖識字。只需要調較好時間， 煮食模式就會自動開始煮食，完成後自動熄火， 好方便。
爐內備有熱風對流系統令烤焗溫度更平均，唔使成日打開焗爐翻轉食物都可以煮得好均勻。
蒸氣排氣口放咗喺爐嘅後面，蒸氣從後排走無咁容易燙親自己。
除了本機之外，隨機附送不少配件，包括cookbook、隔熱手套、清潔海綿、3個不同function的焗盤，對好似柯豬媽依啲全職煮婦來說夠晒實用！
總括嚟講，柯豬媽非常enjoy使用CRISTAL Steamaster烹調柯豬嘅飯餸，嚟緊會再同大家開心share其他BB美食！Stay tuned!
作者：柯豬媽媽
相關文章：