【大仁】頭搖又尾擺：一邊食CAFE ‧ 一邊玩飄移 @ 荔枝角

話說上星期第一次走到D2 Place Two, 本來以為沒有甚麼特別, 但SY就在2樓發現轟轟轟轟聲, 於是便隨聲音來源找到了這間Cafe.

SY:「爸爸! E度有得賽車喎」,八卦的我當然第一時間找找價錢:「嘩! 好貴呀! 揸 6分鐘 , (小童) $59 / (成人) $69…都係走啦」

但我們卻被場內一眾哥哥姐姐的瘋狂大笑, 尖叫聲所吸引著…

阿太:「原來, 食夠$200可以送一張車飛喎, 咁就當食一餐, 免費有得玩囉」

於是, 當晚我們便試了這間飄移車Cafe…香蒜雞肉蘑姑意粉SET $118 + 飲品$8, 這裏的套餐由$118-$158不等.

SY:「原來仲有小食, 同甜品喎!」我:「我哋叫兩個餐就算啦, 價錢都唔係十分平, 媽媽要忌廉煙肉意粉SET $128 + 飲品$8」

在沒有任何期望之下…粟米湯及意粉果然就是沒有驚喜的質素啦. SY:「爸爸…點解D意粉咁油嘅?」

阿太:「係囉…果然係麻麻地」, 我:「三個人叫兩個餐, 好似好寒酸咁」, 阿太:「算啦, 揸完車返屋企買糖水囉」

之後, 就是我們非常期待的賽車…最終老仁家也抵受不住誘惑, 多付了$69去陪SY齊齊飄移…阿太:「你想玩就想玩啦」

小朋友須要配載安全裝備, 之後有工作人員講解飄移車是如何運作的.

原來, 賽車沒有煞車裝置, 所以要減速便只有鬆開腳掣. 我對SY說:「原來右手邊支棍係用嚟飄移架」

因為只有6分鐘, 所以工作人員一說開始, 我已經急不及待…成人版的賽車, 最高時速可達每小時30公里.

而小童版的車, 最高時速亦可達每小時20公里, 難怪一大力加油, 真的有風馳電掣, 十足十玩OP滑浪飛船尾段的刺激.

SY:「爸爸! 你唔係飄移呀! 我好驚你會快過我, 因為我怕後面有人撞到我, 你要係我後面保護我呀」

不過, 原來每場也有一位工作人員陪同參加者一同飊車, 所以我答:「唔使驚呀! 有個哥哥會跟住你呀!」

說時遲那時快, 我又可以頭搖又尾擺…飛翔境界, Yeah!! 爽呀!! 可惜, 未玩夠喉又已經6分鐘過去了.

忽然間有點明白賭仔心態, 輸又繼續搏, 贏又想再連續贏, 我真的很想再玩多60分鐘.

沒有得玩的阿太:「你唔係講真呀? 咁貴, 玩一次就好啦, 我一次都唔捨得玩呀!」

Crazy Car cafe
收費: 6分鐘 (小童) $59 / (成人) $69
Cafe消費滿$200 , 送小童飄移車卷一張
地址：荔枝角長順街15號D2 Place Two 2/F
電話：3428 5298
時間：星期一至日 10:30 –22:00

作者：大仁生活

其他文章：【童年時就如此飄過】親子回味綠寶‧食鬼‧老士多
【大仁】香港獨家: 90Mins 搓出自己「出前一丁」 !! 勁好玩