【傑。斯與晴】習俗解說。頭。不一定要「剃」！
2017-02-09
誰說滿月就一定要剃頭？
老一輩的長輩們每當有小B出世，
就會千叮萬囑我們要為滿月既小B進行剃要儀式，
長輩會話呢個儀式係「習俗」來，
做咗對小B會好啲咁話喎！
其實信不信真係由你！
而我同老公就選擇左「唔信」！
點解？
不如一齊了解一下「剃頭」既意思啦！
解說。傳統習俗 －「剃頭」
依照老一輩既說法，新生小B們喺滿月當日係需要「剃頭」，
要剃除胎髮（即係出世已經有既頭髮）。
其實當中意義只係想為小B除去穢氣，
及希望剃頭之後小B再生出來既頭髮會更濃密亮麗。
另外，仲會為小B留起剃出既頭髮，以用作製作「胎毛筆」之用，
以祈求小B會聰明伶俐，讀書精叻之喻意。
題外話： 「胎毛筆」既起源發典故
「胎毛筆」起源於約一千五百年前既南朝時代，
起初只是朝廷用來褒獎忠義學優既人，
但到咗唐宋年代，「胎毛筆」就轉變為書香門第既象徵。
相傳，唐代有位窮書生以胎毛筆上京赴考仲高中狀元添，
因此胎毛筆又有狀元筆之稱，據說代代相傳能帶來幸運。
我曾經係小B返健康院檢查既時候問過姑娘，
「到底小B駛唔駛剃頭呢？」
當時姑娘既解說令我同老公更清楚知道「剃頭」其實就只不過一種「習俗」而已，
對小B無真正用處，反之卻有機會誤傷小B添！
所以我地堅決咁向長輩們Say “NO！”