【傑。斯與晴】帶著小B去旅行。申請護照篇
2017-03-02
小JM出世嗰陣我同老公無第一時間為小JM申請護照，
一來唔想抱住小JM拎完出世紙又要好趕咁去整護照，
網上預約知多啲
預備申請文件
護照相片規格及注意事項
遞交申請當日嘅流程 及 收費
二來亦無打算頭半年會帶小JM出國，
所以一路都未整。
直至十月份，爸B媽咪去完個日本就發覺原來唔帶小JM係會好痛苦架，
係一陣陣嘅 “相思之苦”！
成日都會好掛住小JM，會諗小JM做緊乜、有無乖、有無食飽… 之類之類
正正因為呢種”苦”，所以我同爸B決定要為小JM整番本護照，
等來緊十二月可以一齊去台中探朋友兼過結婚週年添！
（三人行嘅結婚週年
）
）其實為小JM申請護照唔算難，
只係需要網上預約同做啲簡單嘅手續就可以，
所以真係好方便架，
最緊要就係預先上網做定預約，
咁就可以節省好多輪候嘅時間架啦。
網上預約知多啲網上預約申請護照服務 （含連結）
＊預約服務分為兩類，而所需要嘅資料亦會有少少唔同架，所以預約嘅時候就要小心啦！
＊一般可以預約嘅日期為二十四個工作天，所以要自己預番日子同時間啦，同時星期六會比較難預約到架！
＊如果預約後需要更改或取消，亦可以喺網上作出修改架！
＊除咗網上預約，亦可以透過電話進行預約：2598 0888
類別二）：在香港出生翌日至第四十二天的新生嬰兒適用
如果係為小B申請而小B已大於42日嘅話，
（以小JM為例），就應該以類別一嘅分類去做網上預約。
進行預約嘅時候會需要輸入以下資料：
－ 申請人嘅HKID號碼 （如果小B未有HKID，就要輸入爸B／媽咪嘅HKID號碼作）
－ 申請人嘅HKID簽發日期
－ 小B嘅出生日期
＊見下例參考圖
查詢號碼係由自己而定嘅，輸入四位數字就可以架啦，
可以方便之後再查番紀錄嘛！
完成資料輸入部分後，
就可以揀預約嘅辦事處，再揀埋日期同時間就可以遞交預約申請架啦！
預備申請文件完成網上預約後，就需要為小B準備申請文件，
仲要帶小B去影相鋪影番張靚靚相添！
申請文件如下：
（以下資料以小JM為例，小JM係無HKID架！）
）－ 表格ID 842 （適用於16歲以下兒童的本地申請書）
－ 表格ROP 3 （適用於無HKID嘅小B們，另需要多一張相片，即總數兩張）
－ 表格ID 641 （副署師項表格；需要貼上小B照片，及由父母以外嘅第三者簽署，而簽署必須跨越照片）
－ 出世紙正副本 （如忘記印影可於辦事處影印架！）
－ 爸B 及 媽咪嘅HKID
（前後總共需要 3 張相）
＊＊注意＊＊
必須係遞交申請當日 或 領取證件當日帶同小B同行 （其實一次就可以了）
護照相片規格及注意事項相片規格：
－相片大小為 40cm (W) X 50cm (H)
－需要清楚展示申請人嘅正面
－白色背景
注意事項：
－ 相片中嘅申請人必須位置於相片嘅正中
－ 頭髮不可擋住眼睛 或 眉毛
－ 不可太光、太暗、有陰影或反光
－ 如果有戴眼鏡嘅話，眼鏡盡可能唔可以擋住眼睛架
－ 如果小朋友要紮辮嘅話，就要用黑色橡筋，及不可佩帶頭飾
＊ 基於照片有規格，為方便起見，建議帶小B去特定攝影專門店影
有啲專門店甚至會有Package，提供埋數碼相片檔案添架，
當然，價錢就可能比普通相片貴少少啦
（小JM今次都係去咗專門店影，因為門市太多嘢吸引小JM啦，真係要花好多時間先捕捉到小JM望鏡嘅時刻）
＊我哋今次Join咗Package，要埋數碼相底，大約HKD 85 就有一隻CD連 8 張證件相啦！＊
遞交申請當日嘅流程 及 收費當日流程相當簡單，
只要喺預定時間內到達辦事處排隊，
並到指定窗號 （1、2號窗）遞交申請文件，
遞交文件後將會獲得籌號。
之後嘅時間就係等工作人員叫籌號，
再簽名同核對資料，
當然工作人員亦會對照一下小B嘅樣同張相係咪同一個人啦！
完成晒之後就只需要等嗌名俾錢，
咁就完成晒架！
俾完錢之後就會得到一張領證通知 （如下圖）
爸B 媽咪們就要記得收好張收據啦，
唔係一陣唔見咗無得拎就唔好啦～！
收費如下：
小B們的護照有效期限為五年 （十六歲以下兒童）
－ 三十二頁 HKD＄185
－ 四十八頁 HKD＄230
因為小B們大得比較快，所以我哋只係幫小JM申請咗 32頁嘅護照咋。
順帶一提，申請護照後會有埋HKID俾埋小B架，
所以爸B媽咪唔需要另外再為小B申請。
趁著仲有半個月時間，
等媽咪我為小JM打點一下旅行嘅裝備同日用品啦，
最緊要就係帶小JM鍾意既小食，
睇來，又係時候準備為小JM入貨啦。
作者: 傑。斯與晴
如有任何查詢／合作，歡迎聯絡 我 同 小JM 參與產品試用或者各樣活動
媽咪嘅Email係： sleepyceci＠hotmail.com
小JM嘅Facebook Page： 傑。斯 與 晴 （Jolie Babe。小JM の 成長印記）