去濕湯 合集 |42款清熱消腫簡單易煲排走體內濕氣

2023-09-13


去濕湯 有助清熱消腫排走體內濕氣。「濕」主要分為內濕和外濕。「內濕,顧名思義是指各種原因引起的脾臟生理功能失常、體內水分停聚所形成的病理狀態,最常見於春天和夏秋之間。一個人濕氣重就容易攰,呢個時候最好煲袪濕湯水 ,有助清熱消腫!想煲一家大小都啱飲的去濕湯水,就要睇以下Oh! 爸媽Blogger嘅推介咧!

1. 黨參五指毛桃雪梨乾瘦肉湯

材料

五指毛桃兩両、黨參兩支(約半両)、海底椰一両、雪梨乾二両、圓肉一両、扁豆一両、蓮子半両、百合半両、南北杏半両、紅蘿蔔一條、粟米一條、無花果四粒、蜜棗兩粒、陳皮一角、瘦肉約$50

做法

    1. 所有材料浸洗20分鐘
    2. 陳皮浸軟後刮瓤
    3. 紅蘿蔔去皮切塊,粟米洗淨切段
    4. 瘦肉洗淨汆水
    5. 煲內放約3L水,然後隨水加入陳皮
    6. 待滾起後,加入所有材料
    7. 繼續用大火加蓋煲約15分鐘
    8. 之後轉慢火加蓋煲多2小時
    9. 最後加鹽調味,就可以飲得啦!

詳細食譜﹕湯水食譜|黨參五指毛桃雪梨乾瘦肉湯 祛濕健脾補氣血

2.健脾祛濕茶

材料:

茯苓 10克

山藥片 10克

枸杞 10克

紅棗 10克

蓮子 10克

陳皮 10克

赤小豆 10克(g

做法﹕

1.將所有材料洗淨,放入煲中

2.加入1500毫升水,煮約60分鐘即可!

詳細食譜﹕春季食譜︳健脾祛濕茶

3. 老黃瓜淮山素湯

材料:

1. 老黃瓜 1個
2. 紅蘿蔔 1個
3. 赤小豆 2両
4. 扁豆 2両
5. 淮山 1枝
6. 粟子 12粒
7. 腰果 半碗
8. 果皮 1瓣
9. 水 3L

做法﹕

1 果皮用清水浸軟,刮囊。
2 腰果、粟子、赤小豆、扁豆浸洗淨,備用。
3 老黃瓜洗淨切開,留皮,刮去瓜瓤,再切件。
4 紅蘿蔔去皮,洗淨,切件 。
5 淮山刨皮,切件。
6 煲入注入水,將所有材料放入煲內,滾起,以大火滾15分鐘,轉慢火煲1.5個小時,加入少許鹽調味,完成。

詳細食譜﹕【鄭小B之成長日誌】解暑袪濕、健脾胃︳老黃瓜淮山素湯

 

4. 花生眉豆扁豆節瓜雞腳湯

材料:

花生1両
眉豆2両
扁豆2両
雞腳6隻
節瓜2個
薑片2片
水2公升

做法:

1.眉豆、花生、扁豆洗淨。
2.節瓜去皮切件。
3.雞腳沖洗淨原隻滾水飛水。
4.所有材料放入2公升滾水中,煲1小時即成。

詳細食譜﹕【湯水懶人包】袪濕健脾   花生眉豆扁豆節瓜雞腳湯

5.紫菜蜆肉湯 

鉀質有助平衡體液,減少身體中的鈉,而紫菜每百克含鉀量就達到1640毫克!另外,紫菜含有豐富碘,有助甲狀腺平衡荷爾蒙,是小朋友腦部和神經發展需要的重要營養素。

材料﹕紫菜1餅、蜆肉1碗 (新鮮或急凍)、豆腐1磚、薑4片、水6碗

做法﹕

1. 紫菜和蜆肉分開浸泡洗淨。

2. 煲滾水,加入豆腐,蜆肉和薑。

3. 水滾後再加紫菜煲15分鐘,加少許鹽調味。

詳細食譜﹕春困祛濕|15大祛濕食物及茶療推介

延伸閱讀:驚蟄春困︳祛濕唔只可以靠飲湯 營養師推介3款「祛濕」食譜

6.小豆祛濕茶

小豆祛濕茶可以以茶當水飲,主要針對濕熱症狀的濕疹。常見的濕熱型症狀有皮膚紅腫或有滲液、易口乾、小便黃、大便軟泥狀及肢體疲倦。適合1歲以上人士服用,當小朋友飲用後會較多小便。

材料:赤小豆 3錢、淡竹葉 1錢、甘草 1錢、水適量

做法﹕

1.赤小豆先用冷水浸半小時後,備用
2.將赤小豆、甘草放入滾水中煲約15分鐘
3.再加入淡竹葉煲5分鐘即可

當中的赤小豆:利水除濕,消腫解毒功效、淡竹葉:清熱除煩,通利小便功效、甘草:益氣補中,清熱解毒,調和藥性功效。

延伸閱讀:中醫教按摩6大穴位 紓緩小朋友濕疹 (附小豆祛濕茶食譜)

 

7.蓮子蓮藕飲

(兩歲或以上幼兒適用)

材料:蓮子5g、蓮藕15g、百合5g

做法:材料洗淨,放入水中煲約45分鐘,瀘出湯渣,待涼即可在暑天當飲料飲用,每星期可飲用兩次。

延伸閱讀:【中醫教你防流感】4款簡單飲品 增強小朋友化濕功能

 

8.冬瓜雙葉飲

(兩歲或以上幼兒適用)

材料:荷葉10g、桑葉6g、冬瓜適量

做法:材料洗淨,放入水中煲約30分鐘,即可在暑天作日常湯品間中飲用,每星期可飲用一次。

延伸閱讀:【中醫教你防流感】4款簡單飲品 增強小朋友化濕功能

9.紅豆淮山粥

材料:紅豆20g、茯苓12g、干淮山12g、紅米50g。
製作:
先把材料洗乾淨,紅豆浸軟,把各樣材料開火煮,用大火煮至水滾,然後轉細火
加入少量鹽和冰糖調味
功效:清熱祛濕,有就紓緩腹脹便秘


10. 鯽魚冬瓜湯
材料:鯽魚一條,冬瓜半個,豆腐1磚
製作:
將鯽魚洗凈,去腸雜及鰓與冬瓜,豆腐一起煮湯,熟後放鹽調味。
作用:清肺利尿,消腫除濕。

11. 粉葛赤小豆扁豆豬骨湯

粉葛:止渴除煩、清熱、去骨火
赤小豆:健脾袪濕、利尿消腫
扁豆:健脾化濕
紅蘿蔔:健脾胃、益肝明目
蜜棗:補氣止咳潤肺。

材料:

粉葛 1/2至1個、赤小豆 40g、扁豆 40g、紅蘿蔔 1-2條、豬骨 $40、蜜棗 3粒、果皮 1/4片、水 3L

做法:
1. 豬骨出水備用
2. 紅蘿蔔及粉葛去皮切件備用
3. 赤小豆、扁豆、蜜棗洗淨略浸備用
4. 果皮浸軟去囊
5. 將所有材料放入高壓煲煲20分鐘,於喝前再大滾一下便成。(若用一般煲具,則以大火煲滾,再用文火煲2-3小時便成)

12. 粉葛黨參螺頭螺片湯

袪濕湯可幫助排走體內濕邪,趕走濕悶乏力、沒精力胃口等問題,飲完令人感覺舒適一點。這次選用百搭的黨參,能令湯水更香甜,亦能平衡體質。

黨參:補中益氣健脾胃
螺頭螺片:滋補養顏,滋陰補腎
粉葛:袪濕利水,去骨火
花豆:健脾壯腎;扁豆健脾胃
赤小豆:補血消腫,利尿健脾胃
薏米:利水清熱
陳皮:理氣健脾
蜜棗:補中益氣。

材料:
黨參 40g、螺頭 3隻、螺片 2片、粉葛 1斤左右、紅蘿蔔 1條、花豆 80g、扁豆 80g、赤小豆 40g、薏米 40g、陳皮 1/4片、蜜棗 2粒、豬骨 $50、水 3L

做法:
1. 先將螺頭、螺片略浸
2. 豬骨出水備用
3. 粉葛及紅蘿蔔洗淨去皮切件備用
4. 花豆、扁豆、赤小豆、薏米、蜜棗洗淨略浸備用;果皮浸軟去囊備用
5. 將所有材料放入高壓煲煲20分鐘,於喝前再大滾一下便成。
(若用一般煲具,則以大火煲滾,再用文火煲2-3小時便成)

13. 老黃瓜淮山素 袪濕湯

老黃瓜湯,來解暑袪濕。 以腰果,粟子來代替肉 ; 再加上淮山,健脾益肺腎。 一家大細都啱飲!

老黃瓜﹕清熱解暑,袪濕
淮山 ﹕健脾胃,益肺腎
栗子﹕養胃健脾,增強食慾
腰果﹕補腦養血、補腎健脾

材料:

老黃瓜 1個 、紅蘿蔔 1個、 赤小豆 2両、扁豆 2両、淮山 1枝、粟子 12粒、 腰果 半碗、果皮 1瓣、水 3L

做法:

1. 果皮用清水浸軟,刮囊。
2. 腰果、粟子、赤小豆、扁豆浸洗淨,備用。 
3. 老黃瓜洗淨切開,留皮,刮去瓜瓤,再切件。
4. 紅蘿蔔去皮,洗淨,切件 。
5. 淮山刨皮,切件。
6. 煲入注入水,將所有材料放入煲內,滾起,以大火滾15分鐘,轉慢火煲1.5個小時,加入少許鹽調味,完成。

小貼士:

刨淮山皮前最好先戴上手套, 因為鮮淮山肉有滑滑的黏液, 戴手套可免跣手,而且黏液會令人手痕,所以最好全程戴上手套,直到將淮山放入煲內為止。

14. 赤小豆粉葛紅蘿蔔薏米 祛濕湯

粉葛湯助健脾祛濕、解肌舒筋。

赤小豆: 健脾袪濕、利尿消腫
粉葛: 清熱、解肌舒筋、去骨火
生薏米: 微寒,利水祛濕
熟薏米: 健脾益胃

材料:

粉葛 1斤半、赤小豆 1兩、生熟薏米 1兩、紅蘿蔔 1個、肉 30蚊、蜜棗 3粒、果皮 1瓣、水 3L

做法:

1. 粉葛及紅蘿蔔去皮,切件備用。
2. 赤小豆、生熟薏米、蜜棗浸洗淨,備用。
3. 果皮用清水浸軟,刮囊。
4. 肉汆出水備用。
5. 煲內注入水,將所有材料放入煲內,大火滾15分鐘,轉小火煲2小時,下少許鹽調味,完成。

小貼士:

– 孕婦不宜飲用。
– 如怕生薏米寒涼,可將生熟薏米改用扁豆。
– 可加入粟米或老黃瓜同煲。

15. 竹蔗粟米鬚蘋果茶

 

粟米鬚清熱利尿、袪濕;竹蔗味甘清熱;蘋果生津潤肺、益氣開胃。

材料:

竹蔗 1札、粟米鬚 12兩、蘋果 3個、水 約2.5L

做法:

1. 竹蔗洗淨,一開二。
2. 粟米鬚洗淨。
3. 蘋果用刀刮去表面的蠟,洗淨,去芯,切件。
4. 煲內注入水,放入所有材料,大煲滾15分鐘,轉小火煲45分鐘,完成。(可按自己喜歡的甜度,加入冰糖)

小貼士:

– 飲用之前,要了解自己的體質是否適合飲用。
– 按個人喜好,加入無花果或馬碲或糖冬瓜。

16. 魚腥草竹蔗甘筍薏米水

 

魚腥草有植物抗生素之稱, 有清熱, 抗炎, 排水利尿, 通淋巴等功效。 對流行性感冒, 金黃葡萄球菌等病毒, 口腔潰瘍也有抑制作用, 能提高自身免疫力。 同時亦有化痰去濕, 平喘, 抗腫瘤的功用。

材料:

魚腥草 4兩、竹蔗 1條、茅根 1紥、甘筍 1條、馬蹄 5-6顆、生熟意米 各1兩、糖冬瓜 數塊

做法:

把全部材料切片(可在購買時叫菜檔代為去皮和切件) 浸洗乾淨後, 加水7-8碗水慢煲45分鐘至出味。 這個茶味道十分清甜, 不用加糖也很可口。 即使平時作保健茶也很適合, 一家大細也能飲用。

小貼士:

*每人體質不同,以上湯水含有不同藥材,在飲用前請先向註冊中醫師查詢。

17. 粟子淮山杞子排骨 袪濕湯

 

材料(4人份量) :

鮮淮山 1條、粟子 半磅、紅蘿蔔 1條、杞子 1/3杯、排骨粒 半斤、薑片 數片

做法:

1. 選用蒸煮排骨粒, 肉味更易滲入湯水中, 先把排骨粒汆水洗淨
2. 燒一鍋水, 未水滾加入排骨粒, 粟子, 淮山, 薑片同煲
3. 滾後細火煲1小時, 然後加入杞子滾10分鐘, 加鹽即可。

這個湯水相當鮮甜, 而且連渣也能吃掉. 天氣潮濕, 容易疲倦, 胃口也欠佳, 不妨煲這個湯水補充營養, 增加食慾. 小朋友都好適合飲~~

18. 粟米鬚生熟薏米水

粟米鬚生熟薏米水清甜,冷熱皆宜,可清熱利濕及消腫。此茶飲具清熱袪濕、消水腫等效用,冷熱皆宜,適合在潮濕的春夏天飲用。生薏米性寒,熟薏米寒性較輕,兩者功效大致相同,只是生薏米較寒涼,加入熟薏米同煮可有助中和寒性。

材料:
粟米鬚 300克、生薏米 58克(約一両多)、熟薏米 38克、
糖冬瓜 80-100克(甜度視個人喜好)、清水 10杯

做法:

1. 粟米鬚浸泡,洗淨;生熟薏米浸泡,糖冬瓜沖洗乾淨。
2. 燒滾水,加入所有材料煮滾,蓋上鍋蓋。
3. 以小火煲約一小時至出味,熄火;即可飲用。

溫馨提示:
– 給小孩飲用可減少糖冬瓜的份量及洗掉表面的糖,避免過甜。
– 此茶具清熱袪濕、利小便、消水腫等效用。
– 同時,冷熱皆宜,適合在潮濕的春夏季節飲用。
– 糖冬瓜富營養,具有清熱生津止渴之效;帶有甜味,故不用額外加糖。
– 生熟薏米和糖冬瓜等材料可於街市雜貨店或藥材鋪內選購。

19. 糖冬瓜消暑祛濕茶

 

材料:
消暑祛濕包 1包、糖冬瓜 8條、水 2.5公升

做法:
1. 薏米沖洗乾淨,用水浸10分鐘,備用;
2. 其他祛濕包材料都沖洗乾淨;
3. 水滾後放下所有材料,大火煲10分鐘,然後轉細火繼續煲2小時便完成

功效:消暑解渴,利尿袪濕,清熱排毒

20. 鮮淮山螺頭湯

材料﹕
新鮮淮山 1條、紅蘿蔔 1個、合掌瓜 1個、乾螺頭 2個、日月魚 1份約10個、圓型豬展 1個(我呢個60蚊)、無花果乾 2粒

做法﹕
1. 螺頭同日月魚清洗後用熱水浸軟(約4-5小時)
2. 豬展切件,連薑蒜跑活水後洗淨備用
3. 紅蘿蔔去皮滾切,合掌瓜刷乾淨表皮後切件
4. 戴手套﹗戴手套﹗戴手套﹗戴手套﹗戴手套﹗戴手套﹗
5. 戴手套後將新鮮淮山去皮,切片,避免汁液彈到皮膚
6. 湯煲預備約3公升水,水滾後將全部材料掉晒落去,中火煲15分鐘後轉小火煲2小時,完成 有新湯飲好開心。

 

 21. 准山赤小豆扁豆 祛濕湯

 

材料

豬肉眼$35、果皮1小角、無花果4至5粒、生熟薏米、北芪、准山、赤小豆及扁豆

做法

1. 豬肉洗乾淨,氽水準用;果皮浸透去囊;其他藥材浸洗一陣備用
2. 煲內放約3L水,然後加入果皮
3. 水滾後放入所有材料
4. 待水再次滾起時,先繼續用大火煲約15分鐘,然後轉慢火加蓋煲5小時
5. 最後加入少少鹽調味,即成

溫馨提示
由於材料涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

22. 鳳梨苦瓜排骨湯

菠蘿可以消暑解渴、袪濕消腫;苦瓜可以散熱解毒;黃豆健脾益胃,所以呢個湯可以清熱潤燥,好啱夏天飲用。

材料

菠蘿一個、苦瓜一個約一斤、蜜棗四粒、黃豆約半飯碗及排骨約$40

做法

1. 排骨洗淨汆水備用;蜜棗及黃豆浸洗一陣
2. 苦瓜去籽切塊,汆水後瀝乾,汆水可以減少那一種苦味
3. 到處理好似係最困難嘅菠蘿。初時我都唔識去皮,但原來唔係好難,好似切西瓜咁先嚟一開四
4. 之後慢慢切開層皮、去釘
5. 然後將菠蘿切塊
6. 煲內放約6L水,待水滾後加入所有材料
7. 待再次滾起時,用大火加蓋煲約三十分鐘
8.轉慢火加蓋煲多一小時
9.最後加入少少鹽調味,即成

溫馨提示
雖然苦瓜對消暑清熱係好好,不過佢嘅屬性比較涼,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

23. 牛大力土伏苓粉葛豬骨湯

 

牛大力土伏苓粉葛豬骨湯助處理皮膚搔癢、易倦兼腰痠背痛等問題。

材料

牛大力 4兩、土伏苓 4兩、粉葛一件、赤小豆及扁豆約一兩、豬尾骨$50、果皮2片及蜜棗4粒
土茯苓–除濕解毒,通利關節,治療皮膚痕癢
牛大力–補虛潤肺,強筋活絡,治療腰肌勞損,風濕關節炎
粉葛–解熱退燒,降低血糖,透疹止瀉,治療熬夜頸背筋骨酸痛

做法
1. 牛大力、土伏苓及粉葛由於已經切好晒,所以用水沖洗幾次就得(真係好方便哦);蜜棗、赤小豆及扁豆浸洗一陣;果皮浸軟刮囊;豬骨汆水
2. 煲內加入約4L水,然後加入果皮
3. 待水滾後加入所有材料
4. 繼續用大火加蓋煲約30分鐘
5. 之後轉慢火加蓋煲多2小時
6. 最後加鹽調味,即成

味道又唔係好差,只係我比較少煲依啲山草藥湯唔多習慣,同埋豆味重咗啲啲,所以小小豬唔鐘意飲,我同老公都覺得唔錯,同埋間中解下身體嘅毒,人都健康啲呀!

溫馨提示
個人體質有所不同,我啱飲時又未必每個人都啱,所以大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

24. 雲苓蓮子薏米南豆黃瓜 祛濕湯

雲苓蓮子薏米南豆黃瓜湯,雲苓有健脾祛濕嘅功效;蓮子就可以清心醒脾,補中養神,健脾補胃;薏米就唔洗講都知係袪濕良方啦!只係南豆嚟講就有啲陌生,原來南豆又叫做南扁豆,對健脾益氣、袪濕消暑都好有幫助,所以如果唔鐘意赤小豆及扁豆嗰個重豆味時,可以改用南豆,因為功效都係差唔多呀!依幾樣藥材加埋個黃瓜一齊煲,就可以健脾、袪濕、補氣,最重要係煲出嚟白雪雪又甜甜哋。

材料

都唔算係好多,豬肉眼$40、黃瓜1個、蜜棗4-5粒;雲苓、蓮子、薏米、南豆,藥材份量方面你同藥材店職員講大約幾多人飲用,佢就會幫你執份量啦

做法
1. 瘦肉洗淨汆水備用,藥材就浸洗一陣
2. 黃瓜去籽切塊,切大嚿啲都唔怕,因為太細煲完湯就冇得食啦
3. 煲內放約3L水,水滾後放入所有材料
4. 待再次滾起時,先繼續用大火煲約15分鐘
5. 然後加入黃瓜
6. 用大火煲約15分鐘,再轉慢火加蓋煲5小時
7. 最後加入少少鹽調味,就可以飲啦
8. 千祈唔好漏咗啲黃瓜,煲過湯嘅特別好味,簡直係我至愛呀

溫馨提示
由於材料都涉及藥材成分,所以係好因應個人體質,大家記得煲之前了解吓自己,或者問吓相熟中醫/藥材店職員,呢個湯料啱唔啱自己呀!

25. 蘆根薏米雪梨水

蘆根薏米雪梨水用蘆根、銀花同甘草一齊煲,有清熱袪濕同埋潤肺生津等功效,對濕疹好好,可以清內熱。

材料

雪梨四個,蘆根、薏米、銀花及甘草。

做法

1. 雪梨洗淨去核切塊
2. 所有材料要浸洗半小時
3. 將全部材料及1L水放入煲內
4. 待水滾後轉用慢火煲約1小時,咁就煲好啦~
5. 待涼後入樽,就可以飲得

26. 無花果 雪梨薏米水

無花果有益,可以補血氣、強體質、滋潤喉嚨、幫助皮膚鎖水、祛水腫同埋潤腸,減少便秘。無花果再加埋雪梨就夠晒滋潤,再加埋薏米一齊,就可以有埋祛濕同祛水腫嘅功效,真係飲完可以即刻潤返晒,飲完仲唔即刻靚返晒。

材料

雪梨4個、無花果6粒、生薏米及熟薏米各半碗

做法

1. 生熟薏米先浸1小時;無花果略沖洗後切開一半,容易啲出味;雪梨去芯切件
2. 煲內放入3L水,然後將所有材料加入煲內
3. 待水滾後,用大火加蓋煲約15分鐘
4. 然後轉慢火加蓋煲多一個鐘
5. 煲好之後就可以試吓味,如果有需要就可以加少少冰糖調味。

溫馨提示
由於材料都涉及藥材成分,所以係好因應個人體質,大家記得煲之前了解吓自己,或者問吓相熟中醫/藥材店職員,呢個湯料啱唔啱自己呀!

27. 羅漢果粟米芯茶

羅漢果加乾粟米芯一齊煲,味道甜甜的,對清熱解暑同祛濕有幫助。乾粟米芯有利尿減肥、清熱、消暑祛濕 利尿祛濕功效;羅漢果有清熱解暑、化痰止咳、涼血舒骨、清肺潤腸和生津止渴等功效。

材料
乾粟米芯約一兩半及羅漢果一個

做法
1. 乾粟米芯水浸洗一陣;羅漢果壓碎
2. 煲內放入三公升水,然後加入乾粟米芯及羅漢果
3. 待滾後,加蓋用大火煲三十分鐘
4. 之後轉小火煲一小時
5. 熄火後就要即刻夾起啲材料,因為如果浸得耐,個羅漢果甘味就會重
6. 待涼後就飲得啦

溫馨提示

由於材料都涉及藥材成分,所以係好因應個人體質,大家記得煲之前了解吓自己,或者問吓相熟中醫/藥材店職員,睇下呢個湯水啱唔啱自己呀!

28. 赤小豆排骨湯

屬溫和袪濕湯。赤小豆有消腫利尿健脾胃的作用,薏米同樣健脾清熱、排水利尿,更有美白作用,加入紅棗除了補氣補血,味道更香甜。

材料

赤小豆40g;生薏米40g;扁豆40g;紅棗8粒;排骨半斤;蜜棗3粒;水3L

做法
1.  排骨洗淨及出水備用
2. 赤小豆、生薏米、扁豆、蜜棗及紅棗(開邊去核)洗淨略浸備用
3. 將所有材料放入高壓煲煲20分鐘,於喝前再大滾一下便成(若用一般煲具,則以大火煲滾,再用文火煲3小時便成)

29. 節瓜章魚花生眉豆湯

章魚又名八爪魚,為益氣養血食材,含豐富蛋白質及礦物質,還含抗疲勞、抗衰老等重要保健因子,深受不少人仕歡迎。這個節瓜章魚花生眉豆湯,亦是一款合家湯水,更適合母乳餵哺人仕,能增加乳汁分泌,補血養顏。不熱不寒的節瓜則有預防感冒,清腸胃利小便,補腎及養顏潤膚的功效。眉豆健脾去濕,花生潤肺補血,瑤柱則滋肝補腎。

材料

章魚80g;節瓜2個;花生40g;眉豆40g;瑤柱4粒;蜜棗3粒;豬展$30;水 3L

做法
1. 節瓜去皮切件備用
2. 章魚切件,跟花生、眉豆、瑤柱及蜜棗略浸備用
3. 豬展出水備用
4. 將所有材料放入高壓煲煲20分鐘,於喝前再大滾一下便成(若用一般煲具,則以大火煲滾,再用文火煲2-3小時便成)

30. 赤小豆粉葛鯪魚 祛濕湯

此湯有助清熱袪濕袪骨火,而且味道鮮美丁點鹽也不用下,是款健脾強體、四季適合的合家湯水,不用推介,家中各人也添飲以示支持。粉葛有清熱、生津止渴及舒緩肌肉酸痛的功效;赤小豆及扁豆有袪濕暖胃的作用;紅蘿蔔益肌明目、有助增強免疫功能;蜜棗則有補脾胃、止咳潤肺化痰等功效;鯪魚補氣活血。

材料

粉葛約1斤;紅蘿蔔1條;鯪魚1條;扁豆80g;赤小豆40g;豬展$30;蜜棗2粒;薑2-3片;水3L

做法
1. 粉葛、紅蘿蔔去皮切件備用
2. 扁豆、赤小豆、蜜棗洗淨略浸備用
3. 豬展切件出水備用
4. 下油爆香薑片,放入鯪魚每邊煎約3分鐘
5. 除鯪魚外,將所有材料放入高壓煲煲至水滾,再放入已煎鯪魚煲20分鐘,於喝前再大滾一下便成(若用一般煲具,則以大火煲滾,再用文火煲2-3小時便成)

31. 玉米鬚茶

 

 

詳細食譜﹕夏天湯水│落雨打風周身唔舒服? 中醫拆解「濕氣」對人體影響及改善方法 附10款袪濕湯水食療

32. 薏米仨紅豆粥

詳細食譜﹕夏天湯水│落雨打風周身唔舒服? 中醫拆解「濕氣」對人體影響及改善方法 附10款袪濕湯水食療

33. 青瓜奇異果奶昔

營養小貼士:
1. 青瓜中的鉀質有助消除水腫及具利尿的效用。
2. 奇異果含豐富維他命 C,具抗氧化功效。

材料:
青瓜        2小條 (200克)
奇異果    1個 (100克)
脫脂奶    200毫升
蜜糖        2茶匙

做法:
1. 青瓜洗淨後去蒂去皮,切成小件備用
2. 奇異果去皮並切成小粒備用
3. 把青瓜、奇異果及牛奶放入榨汁機中打汁
4. 最後加入蜜糖打勻即成

詳細食譜﹕營養師推薦美味「祛濕」食譜 小朋友一定鍾意

34. 雪梨生魚湯

材料:

雪梨 3隻

雪梨乾 3-4片 (可不加)

生魚 1條

豬骨 $40-50

薑 2片

南北杏 10g

蜜棗 2粒

水 2.5L

做法:

1) 生魚洗淨抹乾備用

2) 豬骨切件出水備用

3) 雪梨洗淨切件去籽備用

4) 蜜棗及南北杏洗淨略浸備用

5) 下油爆香薑片,放入生魚煎每邊約3分鐘,轉大火及倒入沸水

6) 滾起後轉用高壓煲,再加入餘下材料煲20分鐘,於喝前再大滾一下便成 (若用一般煲具,則以大火煲滾,再用文火煲1小時左右便成)

詳細食譜﹕【Sammy】生津潤燥 止咳化痰 祛濕 雪梨生魚湯

35.蓮藕栗子赤小豆扁豆豬骨湯

材料:

蓮藕約一斤半、扁豆一両、赤小豆一両、淮山一両、紅蘿蔔一條、粟米一條、栗子約十粒、蜜棗4粒及豬骨$40

做法:

  1. 蓮藕去皮切塊;
  2. 栗子清洗乾淨;
  3. 赤小豆、扁豆、淮山及蜜棗浸洗;
  4. 紅蘿蔔去皮切塊;
  5. 粟米去皮切塊;
  6. 豬骨洗淨隨水加入,然後汆水大約五分鐘;
  7. 煲內放約3L水,待水滾後加入所有材料;
  8. 再次滾起後,就用大火加蓋煲約15分鐘;
  9. 再轉慢火加蓋煲多2小時;
  10. 最後加入少少鹽調味,就可以飲啦!

詳細食譜﹕蓮藕栗子赤小豆扁豆豬骨湯

36. 蘋果薏米無花果水

蘋果薏米無花果水

材料:

1. 蘋果 3個

2. 生熟薏米 1碗

3. 無花果 3粒

4. 水 約2.5L

做法:

1) 生熟薏米及無花果用清水浸洗。

2) 蘋果用刀刮去表面的蠟,洗淨,去芯,切件。

3) 無花果剪開一半。

4) 煲內注入水,放入所有材料,大滾15分鐘,轉小火煲45分鐘,下少許冰糖調味,完成。

詳細食譜﹕【 鄭小B之成長日誌】健脾祛濕 蘋果薏米無花果水

37.四神素湯

功效:健脾補腎、健胃利濕

材料:生熟薏米40克、芡實40克、白蓮子40克、鮮淮山1條(約200克)、豆腐1磚、薑2片

做法:

  1. 生熟薏米、芡實、蓮子泡水半小時,鮮淮山去皮及豆腐切件備用。
  2. 在大煲內注入1.2公升水,水滾後,先放薏米芡實及蓮子煲1小時。
  3. 然後放入豆腐及淮山煲半小時,最後下鹽調味即可。

(備註:孕婦應避免食用薏仁。)

「四神湯」即指用淮山、芡實、蓮子、茯苓或薏米為主要材料的湯水。薏米祛濕清熱,淮山及蓮子可以補虛,四種材料湊合起來有健脾養顏、袪濕潤降燥等多種功效。

詳細食譜﹕濕疹食療|潮濕天氣濕疹發作痕癢滲水 中醫教搽3種膏+推介7款湯水止痕去濕

38.粉葛土伏苓袪濕湯

功效:健脾補腎、健胃利濕

材料:粉葛1斤、新鮮土茯苓30克、老桑枝20克、陳皮1塊、赤小豆20克、扁豆20克、蜜棗2大粒、豬腱半斤、清水10碗、鹽 適量

做法:

  1. 粉葛去皮洗淨後切件;土茯苓過水3次洗淨;陳皮浸水半小時至軟身,刮去白囊。豬腱洗淨後汆水;赤小豆、扁豆、蜜棗洗淨。
  2. 在大煲中注入清水,水滾後,放入所有材料,用中火煲半小時。然後轉小火煲2小時,加入適量鹽即可。

(備註:孕婦忌服)

食物功效

粉葛:清熱去火、生津止渴

土茯苓:清熱解毒、通利關節

老桑枝:祛風濕、利關節

赤小豆、扁豆:健脾、利尿祛濕

詳細食譜﹕濕疹食療|潮濕天氣濕疹發作痕癢滲水 中醫教搽3種膏+推介7款湯水止痕去濕

39.清補涼

功效:健脾祛濕

材料:生苡仁 20克、淮山 20克、圓肉 10克、蓮子 20克、玉竹 15克、百合 20克、北沙參15克、茨實 20克 (*可加瘦肉)

做法:

  1. 洗淨材料,在煲內加入8碗水,加入所有材料。
  2. 用大火煲滾後,轉小火煲2小時,最後加鹽即可。

適合人士:寒底、易腹瀉的濕疹患者

寒底人士特徵,例如:面青唇白、嘴唇偏白、舌頭偏白、容易腹瀉、沒精打采

詳細食譜﹕濕疹食療|潮濕天氣濕疹發作痕癢滲水 中醫教搽3種膏+推介7款湯水止痕去濕

40.魚腥草蘋果雪梨南北杏湯

適合人士:熱底濕疹患者

熱底人士特徵:例如說話大聲、多動、皮膚經常偏紅

材料:新鮮魚腥草 200克、蘋果 2個、雪梨 2個、南北杏 共20克、陳皮 1角

做法:

  1. 洗淨材料,魚腥草泡30分鐘後清洗乾淨。
  2. 在煲內加入10碗水及材料 (魚腥草除外)。用大火煲滾後,轉小火煲約1小時。
  3. 在最後15分鐘加入魚腥草,加鹽即可。

詳細食譜﹕濕疹食療|潮濕天氣濕疹發作痕癢滲水 中醫教搽3種膏+推介7款湯水止痕去濕

41.金銀菜瘦肉湯

功效:

  • 清熱潤肺、通便止癢
  • 適合皮膚乾燥、咽喉乾渴人士
  • 孕婦飲用前需諮詢醫師意見

材料:鮮白菜2棵(約200克)、菜乾70克、南北杏 20克、瘦肉309至400克、紅蘿蔔1條、蜜棗2粒、小無花果8粒、薑3片

做法:

  1. 鮮白菜切半,洗淨備用。菜乾浸軟埋菜頭,徹底沖洗乾淨。
  2. 紅蘿蔔去皮切件;蜜棗及小無花果沖洗;瘦肉切件汆水。
  3. 在煲内注入2.5公升水,水滾後,除了鮮白菜,把所有材料放進煲內煮10分鐘。
  4. 然後轉小火煲90分鐘,放入鮮白菜,煲20分鐘即成,最後下鹽調味。

詳細食譜﹕濕疹食療|潮濕天氣濕疹發作痕癢滲水 中醫教搽3種膏+推介7款湯水止痕去濕

42.冬瓜薏米瘦肉湯

材料:瘦肉200克、冬瓜1個 (約1斤半)、生薏米30克、淮山30克、蜜棗2粒

做法:

  1. 瘦肉洗淨後切塊,汆水。
  2. 冬瓜洗淨,連皮去籽切塊。
  3. 洗淨餘下材料後,把所有材料放入煲內,水滾後轉中火。
  4. 煲約1.5至2小時,可加鹽調味。

適合:紓緩身體濕重症狀

注意:若有腹瀉或外邪入侵,宜待康復後飲用。

詳細食譜﹕濕疹食療|潮濕天氣濕疹發作痕癢滲水 中醫教搽3種膏+推介7款湯水止痕去濕

註:以上所有食療只作參考,請根據個人體質諮詢中醫師或家庭醫生意見。

內容提供:曹信恩註冊中醫師、中醫爸B、李騫賢註冊中醫師、小小豬廚房、Sammy Says、鄭小B之成長日誌、QB媽媽、小高廚房、Kelly’s Kitchen、米豬媽媽、李廣冀醫師

其他食譜:

湯水食譜|魚片芫荽皮蛋湯懶人食譜5分鐘即成!

簡易食譜|港式菠蘿包自己整 無臭粉無豬油做法簡單

 

熱門文章

美味便當︱41款帶飯飯盒菜式食譜 滋味健康
02-27
去濕湯 合集 |42款清熱消腫簡單易煲排走體內濕氣
09-13
湯水食譜| 土茯苓牛大力湯 超強祛濕健脾胃湯水
05-11
家常小菜| 帶子蝦米蒸豆腐 帶子爽彈滑身 豆腐蛋白質營養豐富
04-17
湯水食譜︱ 鮑魚花膠螺頭煲雞湯 養顏護肝補腎
06-24

19款家常 滾湯 營養美味 最快15分鐘有得飲 適合上班族及廚房新手
2024-02-27
春天湯水 |10款春天湯水 中醫推介去濕湯 有助消腫、健脾胃、化春困、止濕疹痕癢 (附熱/寒底配方)
2024-02-19
新年食太多煎炸小食+玩得夜易上火 25款 清熱湯水 推介
2024-02-15
皮蛋瘦肉粥 生酮簡易食譜 無米都可以煮出軟綿綿粥底
2024-02-08
聖誕大餐食得多 31款 消滯湯水 /茶飲幫到你
2023-12-27
酥皮忌廉雞湯 香脆暖笠笠 人氣酥皮湯
2023-11-27
查看更多   ▸