【仙妮】新發現!如何令寶寶安靜地自行入睡?

2017-03-28


丘BB出世以來都係瞓BB牀,而且一向都係訓練佢自行入睡,所以唔使哄同抱住瞓。

我哋係用漸進法的,即是喺BB醒著時將佢放上牀,輕拍她,輕聲說:Goodnight! I love you~ ,確保佢一切安好,然後離開房間,通常佢會開始喊,我就等3~5分鐘(視乎是輕泣定係狂哭),然後返房間再輕拍她、安撫她。如果佢繼續喊就一再重複,每次等多3分鐘先再入房,直到佢瞓著為止。

要令BB自行入睡嘅秘訣係:夠狠心!

BB當然係時刻都想黐住媽咪,有好多媽咪因為唔忍心BB喊好似好可憐咁,結果每次都要抱住又哄又搖先瞓到,一放落牀又醒番,辛苦媽媽又令BB不能熟睡。其實只要你轉一轉心態,個心就會好過啲~BB睡前喊係一種令佢鬆弛情緒嘅方法,釋放一下能量,之後就會瞓好啲!所以喊吓都唔係壞事(喊太耐另作別論!)

而當丘BB愈來愈大愈懂事,睡前喊嘅原因又多了,尤其是學識企之後,放佢瞓低轉頭又企番起身⋯有時會哭鬧大半個小時先瞓著。雖然知道佢始終會累會瞓,但每晚都聽到佢嘅喊聲真係幾洩氣⋯⋯

後來我嘗試咗一個新方法,可以令丘BB完全唔喊自己瞓著!!!真係開心到要撒花~~

所以好想分享俾各位媽咪~

首先,睡前的程序沒有變:洗澡>入睡房吃奶>開小夜燈玩一下講吓故事(同時因為大了後不用掃風,要俾時間佢自己hur 氣!),大概玩15分鐘之後熄燈至全房漆黑。最初,丘BB會有D驚,我會攬住佢唱睡前曲安撫佢,又俾佢攬住自己鍾意嘅公仔,咁慢慢就唔會驚。由於熄咗燈,所以會快啲有睡意,大概5-10分鐘後,等眼睛熟習漆黑環境,見佢打瞌睡或捽眼就可以放佢落BB牀>拉上睡袋>俾奶嘴>俾公仔,之後講:Goodnight ~I love you ~ (全程摸黑進行)然後離開房間!完成!

通常丘BB會好安靜咁入睡,只係試過幾次會喊吓,但1~2分鐘就瞓著,唔使我再入房安撫!Very Good!!!

我發覺呢個方法同時可以令BB入睡後瞓好D,冇咁容易醒,因爲之前開著小夜燈咁瞓始終對睡眠質素都唔係咁好,佢瞓瞓吓醒一醒見媽咪唔喺身邊可能又會喊。。。

不過我諗呢個方法係要大一點嘅BB先有用,如果太細仲好怕黑缺少安全感嘅BB最好等大啲先試喇!

希望呢方法幫到大家,令到湊B生活少一樣煩惱啦~

作者:仙妮

相關文章:【仙妮】請不要我的寶寶分享手中食物
     【仙妮】七個星期大BB 戒掉夜奶實戰篇

熱門文章

【Miss Carley】教導寶寶說話有妙法 – 六至十八個月篇
12-04
【一眼睇晒】公立vs私家 產檢時間表 (附詳細解說)
04-06
【新手父母】Netflix紀錄片《零到一歲》探討BB睡眠4大問題
08-04
【育兒心得】善用2至7歲大腦爆發成長期 留意4件事 有助學習事半功倍
08-01
【安胎湯水】中醫師話你知 懷孕初期宜食、忌食食材
10-11

pamajunior_cat

查看更多   ▸
【英國研究】嬰幼兒時期睡覺習慣不正常 青少年時期患精神病、人格障礙風險增加
2020-07-02
【幼兒易中招】腦膜炎雙球菌似感冒 接種疫苗最有效
2020-06-23
【做好 復課 準備】鞏固 幼兒 免疫力 3式
2020-06-09
【蚊叮蟲咬】2歲以下幼兒切勿塗抹薄荷成分產品止痕 兒科醫生:可造成中樞神經傷害
2020-06-03
【兒童健康】父母吸煙 孩子易骨折 頸動脈硬化風險增加 記憶力、學習能力較差
2020-06-02
【醫學研究】母乳餵哺有助減低兒童肥胖風險
2020-05-26
查看更多   ▸