【睇天做人影日落??】去下白泥的6個小貼士 @ 鴨仔坑士多

2017-04-03


「睇日落梗係去下白泥啦!」好幾位朋友都是如此說朋友E又教路:「你去(提示1)元朗泰豐街, 33號小巴, 30分鐘左右, 你見到「鴨仔坑士多」個牌就落車

朋友A:「使乜吖到時人人都係嗰度落, 你跟住最多人落車嗰度就實啱」, 不過, 今次我們在銀座輕鐵站坐的士入, SY:「坐的士咪好貴?

 
我答:「坐33號小巴, 三個都要$33, E家都係$65, 都唔錯啦」, 魚子媽說:(提示2)「效外踏青一定要睇天做人」, 但對於一向都是商場仁的我來說, 出門不看天, 今日便中伏了.


12度的周末, 白矇矇的天色, 就連鴨仔坑也水靜鵝飛, 負責人說:「今日, 我哋得番燒賣同公仔麵

(點解無人嘅?), 負責人:「今日咁嘅天, 梗係無人啦, 上星期好天, 睇到日落, E度千幾二千人架 」(提示3) (正常太多人, 可能想休息, 進食也沒有枱凳)
這個特色士多, 由一大大片草地及數間小木屋組成雖然今日天氣不佳, 但仍有情侶在放狗, 如果有私家車, 自駕遊前來也非常寫意.

負責人:「平日多人, 可能真係驚要等好耐車先出到返市區, 但今日你可以放心, 一定有車出返出去
本來, 我以為山長水遠來到這裏, 飲飲食食一定酒店級價錢, 誰知一碗(提示4)餐蛋麵也只是$28. 阿太一邊食一邊說:「真係良心價喎」(抵! 抵! 抵!)

天寒地凍, 大人要吃一點熱食, 喝一些暖飲取暖, 而小朋友就以跑來跑去, 跳躍翻滾來保溫. 非常奇怪的孩童.


SY:「爸爸! E個係唔係林村嗰個許願池呀?」當然不是吧! 但我又騙SY:「可能係掛, 咁你對住瀑布許願啦」

小朋友真的雙手合拾, 低頭許願, 我問:「你許咩願呀? 講嚟聽下?, SY:「秘密講咗就唔成真架啦」(究竟佢係邊度學返嚟呢?)
 
吃過下午茶, 我們出士多大門口, 向右行一分鐘, 即時到達下白泥拍日落的位置, 阿太:「乜真係咁鬼近」, SY :「頭先哥哥都話一分鐘之麻」(提示5)
天氣差, 寒風入骨的當天, 嚴格來說亦有一個好處, 就是整個下白泥似包場一樣. 連同我們在內, 全泥灘人數不足十人.


SY:「爸爸! 我哋捉貝殼鬥多啦」, :「咁污糟, 不如你係泥沙上面寫字算啦」
看來小朋友很享受在濕泥中寫字, SY問我:「爸爸你有冇D咩想寫呀?(其實, 我好凍我好想快D返市區)
問題兒童指向一個露營帳篷問我:「點解哥哥姐姐會係度露營嘅?, :「可能開心D, 同影D相出嚟靚D掛」(但係D泥濕笠笠, 俾我一定唔會咁做囉)

同場另有三位年青人對話, :「嗰個係咪日落呀?, :「日落點會係嗰邊呀? 燈嚟架」
 
一邊放杯緣子在泥灘上影ig相的阿太大叫:「潮漲啦D浸咗我隻杯緣子呀! 走啦! 走啦!

SY:「咁我哋唔睇日落喇?, :「今日應該睇唔到, 夏天再嚟過啦」
 

註: 最後一班33號小巴為21:30, 朋友E說:「如果你哋好天氣再去, 日落之後玩一陣好去等車, 百幾人等小巴, 差唔多半粒鐘先一班, 夏天又多蚊, 一見有的士最好快快上添」(提示6)

 
朋友續說:「秋冬春天都一定大霧, 一定好難影日落, 夏天我哋先一齊再去啦, 到時我帶埋部航拍機去啦, 同埋潮退會見到好多蟹仔呀!」(好呀! 因為當日唔好話蟹仔, 鬼影都唔多見一隻)
 
 

鴨仔坑士多
地點: 元朗下白泥稔灣路283A 時間: 星期一至日
電話: 98043042

交通: 元朗泰豐街乘搭33號小巴 (約30分鐘~見鴨仔坑士多大廣告牌落車)(http://www.16seats.net/chi/gmb/gn_33.html)

作者:大仁生活

大仁生活facebook

熱門文章

【家居清潔】牆身發霉靠1支清潔用品KO 家庭主婦:噴完等30分鐘 新嘅一樣
08-05
珀麗灣現毒蹤 慈雲山增7人深水埗鴻裕大廈成疫廈
08-07
【莎倫媽媽】UNIQLO 盛夏祭 BB網紋底衫$13 七分褲$19
08-04
半癱考生邱梓霖 如願讀科大理學士
08-07
【勵志故事】柬埔寨「語言天才」男孩獲資助遠赴中國升學 憑懂15種語言改寫清貧命運
08-04