【小小豬】清肺 止咳 羅漢果蘋果茶
2017-04-26
之前都提及過我家老細近期非常愛鍚身體，主動叫我煲羅漢果俾佢飲，所以我都定期煲羅漢果杞子菊花茶俾佢飲，等佢地覺得好似菊花茶嘅時候，又可以有羅漢果嘅益處。
當然好飲嘅涼茶飲得多都有少少厭，加上我家兩位老細都幾難服示(哈哈哈)，所以都要諗諗新意思嚟滿足一下佢地。剛好見群組有媽媽分享用羅漢果蘋果一齊煲，就可以有清肺 止咳 同埋生津潤腸嘅功效，最重點就係煲出嚟有這個茶蘋果嘅清甜，見咁多好處就當然要試下煲啦！
只係需要一粒羅漢果同埋四個蘋果~ 
唔怕長氣都要再提一提，煲湯最好就係用蛇果，同埋要係洗蘋果前會用刀刮一圈，刮走那一層果蠟，咁連皮煲湯時就可以飲得安心啲啦~ 
蘋果刮去那層果蠟之後，洗淨去芯切塊~ 