【向母親致敬】媽媽唔易做之五大動漫媽媽

2017-05-09


睇動漫,大家都將焦點集中喺男女主角身上,其實有好多主角嘅媽媽都陪着我哋長大,她們都有性格及技能,你記得邊一個?趁著母親節就到,我哋就表揚下呢班出色嘅媽媽們啦!話時話,邊個有你媽咪或你自己影子?

麥兜媽媽麥太—神奇女俠

mcdull

麥太可以話係媽媽嘅典範,一個人湊大麥兜呢個傻小子,仲要返工搵食,但佢依然保持住樂觀積極嘅態度,係麥兜面前永遠都係最可靠嘅媽媽。從來考第一名的只有一個,而那個永遠都不是麥兜,但麥太相信麥兜。無論麥兜遇上幾多挫折,麥太都會係佢嘅最強後盾。麥太擁有嘅嘢唔多,但將最好嘅都留俾麥兜,例如帶麥兜搭纜車,滿足麥兜去馬爾代夫嘅願望。

《我們這一家》花師奶—格價專家

flower c9

「別怪他~別怪他~」冇錯!呢首就係花師奶嘅飲歌。花師奶無疑係最慳家師奶,佢對於減價、打折,或者準確啲嚟講係著數,抱持著無人能及嘅執著,係師奶界嘅佼佼者。佢對於芝麻綠豆嘅小事都會同仔女爭論不休,例如通廁所嘅吸盤係唔係叫boom boom boom (通廁所時的聲音)。不過,佢鎖定目標就會迎難而上嘅態度都係唔容易架,尤其是為人父母,有咩難題殺到埋身都要頂硬上!

大雄媽媽—百分百嚴母

野比玉子

大雄媽媽(野比玉子)係《多啦A夢》入面都算係一個經常出現嘅角色,而且幾乎每次出現都係鬧緊大雄,通常係因為大雄測驗捧蛋。正所謂「愛之深,責之切」,大雄媽媽本來都好溺愛獨生仔,但後來愈來愈為大雄感到憂心,漸漸就建立咗嚴母嘅形象。聽講大雄媽媽以前冇戴眼鏡好靚架,睇黎做咗媽媽之後真係冇時間打扮,咁又係,大雄搞到佢咁勞氣,操心少陣都唔得啊。

小丸子媽媽—典型賢妻良母

小丸子

原名小林瑾嘅小丸子媽媽就係較典型嘅家庭主婦,家頭細務一腳踢,仲要入得廚房出得廳堂。對著小丸子,佢都十分勞氣,經常「哦」小丸子,又會為小丸子嘅事感到煩惱,但亦都係小丸子嘅傾訴對象,係個無微不至嘅媽媽。咁好嘅媽媽,除咗要趁母親節氹下佢,平日都要減少帶俾佢嘅煩惱啊!

小新媽媽—最抵死搞笑

小新媽媽

《蠟筆小新》嘅小新絕對係史上最強嘅幼稚園學生,人細鬼大,講嘢老積,有時仲相當鹹濕。野原美冴作為佢嘅媽媽,真係少啲心血都唔得。小新媽媽經常都要為小新失禮嘅行為向人道歉,要教訓佢嘅時候,就會用拳頭扭小新嘅太陽穴。小新媽媽平時除咗做家務,仲識得偷時間俾自己享受下,一路食零食一路瞓喺到睇電視,有時間仲會瞓吓晏覺,平衡娛樂同工作(湊小新同小葵)。

圖片來源:網上圖片

 

熱門文章

【銅芯口罩】聖保祿醫院張貼告示 禁佩戴CuMask人士進入
06-05
【全球最大牛肉/雞肉出口國】巴西肉品工廠2400員工確診 成新冠病毒溫牀
06-03
【口罩發售】森川實業2款兒童口罩今天18區開賣 一文看清逾70個銷售點
06-05
【社會熱話】黃金泳灘防鯊網外發現鯊魚屍體
06-04
【令人髮指】疑因弄壞遊戲機 男童遭繼母鎖入行李箱7小時後亡
06-05

【國際培幼會】 父母相愛相依•守護孩子成長 (下篇)
2020-06-05
【惡搞】媽媽塗黑兒子眼圈稱被藍光吃掉 兒子哭喊:我以後不再玩手機
2020-06-05
文雪兒驚爆曾患乳癌 大女張筠貌似韓素希宣佈入行
2020-06-05
【抗疫日常】幼童口罩無鐵線常移位 點改裝好
2020-06-05
【母親本能】玻璃門突然倒塌 兩孩之母以身阻擋護3小童免壓傷
2020-06-05
【令人髮指】疑因弄壞遊戲機 男童遭繼母鎖入行李箱7小時後亡
2020-06-05
查看更多   ▸