【傻夫婦】大頭小丸廚房「粟米紅蘿蔔午餐肉炒飯」
2017-05-31
話說太古城中心開了 ABC Cooking Studio，我兩個寶貝女兒成日話要去學，小丸子仲拎埋傳單俾我睇！我見一報好似要報最少 6個月，仲要 2個加埋，咪又幾千蚊，佢地啲暑期班剛又報咗幾千蚊喎！呵呵呵！咁我同佢哋講其實媽媽都識煮架，我哋搵日喺屋企自己煮啦！
星期日工人姐姐放假，要自己煮午餐，問大頭妹想食咩野，佢話想食炒飯，好啦！就一齊煮炒飯啦！
大頭妹話要自己揀餸，佢揀咗粟米、紅蘿蔔，佢是素食主義者，只是佢太瘦，我唔俾佢食素。
小丸子就話一定要有肉，所以問完大頭妹同意之後，我就切了 2片午餐肉。
小丸子一邊切一邊偷食，大頭妹就呱呱叫，話生食紅蘿蔔會肚痛！
一人一隻雞蛋，小丸子好豪邁地一下揸爆隻蛋！
大頭妹都切得唔錯，粒粒大細差不多！
小丸子用斬的方式切，切到大大細細。
小丸子要炒先，今次啲粟米是新鮮粟米，當然是我切啦！
炒完紅蘿蔔粟米，就可以加入飯啦！
到大頭妹炒，佢就加蛋炒，再加午餐肉。
我執埋個廚房行出嚟，小丸子已經差不多食完，最後吃了一碗半！
大頭妹話好食過平時工人姐姐煮的，因為今次的材料是自己揀嘅，我試咗一啖，原來用新鮮粟米是甜好多架！哈哈！又有得玩，又有得食！
作者： 傻夫婦一家四口生活日誌
大家 like 咗我哋facebook page 未呀？未就快啲 like 啦﹗
