【傑。斯與晴】小JM病了。「玫瑰疹」知多啲！
2017-06-02
啱啱過去嘅假期，
小JM媽媽我簡直好似發咗一場惡夢咁，
可以稱得上係自小JM出世以來最難過嘅日子，（坐月自己新手湊都無咁驚
）
）因為小JM突然發燒，不斷燒下退下咁，一燒仲要高燒到成39-40度添，
真係嚇到我個心都離一離。
（Touchwood講句，
因為小JM真係無試過發燒架，
even去健康院或私家打針都好，都未試過架，
所以今次媽媽真係嚇咗一大跳。）
（Day 2照片，未算最高燒，打後試過39.8°C及40.1°C）
事源係咁嘅，
係早幾日放假嗰陣，
突然四點幾左右發現小JM有少少發燒，
當下只係輕微嘅發燒，
所以就幫小JM散下熱，希望可以紓緩一下。
到大概晚上十點左右小JM已經退咗燒，
但爸爸媽媽都唔敢太過放鬆，
係小JM瞓咗嗰陣我哋都有間中為小JM度體溫，以確保小JM有無再發燒。
直至天光大概六點零鐘左右，小JM體溫依然正常，
但誰知到九點零鐘小JM突然又發起燒，
仲要燒得唔低，去到成38.9度，
所以我哋決定帶小JM去睇醫生以策安全。
但因為係公眾假期嘅關係，原先一向旅行拎開平安藥嘅兒科醫生無開，
所以就睇咗另一間都有兒科嘅醫生（但個人感覺佢啲藥唔多work，小JM食完係無退過燒）
）見完醫生後，證實咗小JM係感染咗一種良性既過濾性病毒 －玫瑰疹
玫瑰花你或者知係咩，
但 “玫瑰疹” 你又知唔知係咩一回事？
不如今次就等小JM媽媽我為你哋講解一下我嘅親身經歷啦！
（不過真係好攰，夜夜無眠
）
）