夏天湯水 |嚴選20大消暑湯水 大人細路都啱飲

2020-07-16


最近天氣真係熱到不得了,每日最高氣溫超過30度,如果唔做足防暑措施,喺烈日當空之下恐怕都好容易會中暑!註冊中醫師古鎧綸(中醫爸爸)指夏天經常落雨,環境潮濕悶熱,加上長期處於高溫嘅環境下,好容易令人感到氣虛、出現頭暈情況,嚴重者更加會突然昏倒,不省人事!呢個時節,飲返啲 夏天湯水 最適合。各位精明嘅媽咪,平時為小朋友煲多啲  消暑湯水 ,打好個底,同中暑講拜拜!

古醫師推介消暑湯水
1. 藥饍水鴨清湯 (4人份量)
食料:水鴨 1隻、響螺頭 6粒、蟲草花 15g、新鮮西瓜皮 100g、白米 一小撮
藥材:花旗參 15g、石斛 12克、枸杞子 15g、麥冬 10g、百合 10g、沙參 10克、紅棗6枚
做法:
1. 水鴨洗淨後,開邊汆水,撈起放入湯鍋中
2. 將其餘所有材料洗淨(枸杞子除外),放入湯鍋中,注入加入2升水,大火煲1小時,然後轉細火煲2小時
3. 臨熄火前15分鐘,加入枸杞子
4. 熄火後加入適量鹽調味即成
功效:水鴨補肺滋腎,益氣生津,寧心除煩,西瓜消暑生津,其他藥材食材各自入不同臟腑,功效全面,可改善五勞七傷。

 

另外,以下20款由Oh! 爸媽Blogger推介嘅湯水最適合夏天飲用,媽媽們可以根據小朋友嘅喜好,選擇合適嘅食材!

2. 消暑袪濕冬瓜湯

材料:豬肉眼、冬瓜、蜜棗、雲苓、蓮子、薏米、南豆及荷葉
做法:
1. 煲內放約3L水,水滾後放入所有材料~
2. 待再次滾起時,先繼續用大火煲約15分鐘,然後加入冬瓜~
3. 再轉慢火加蓋煲1.5小時~
4. 最後加入少少鹽調味,就可以飲啦~

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

【小小豬】消暑袪濕冬瓜湯

3. 黃瓜薏米螺頭瘦肉湯

材料:黃瓜、薏米、乾螺頭、瘦肉及薑
做法:
1. 乾螺頭及薏米先浸水,最好就要浸起碼一小時~
2. 瘦肉洗淨汆水備用,薑去皮切片~
3. 黃瓜去籽切塊,切大嚿啲都唔怕,因為太細煲完湯就冇得食啦~
4. 煲內放約3L水,水滾後放入所有材料(黃瓜除外),待再次滾起時,用大火煲約15分鐘~
5. 然後加入黃瓜~
6. 用大火煲約15分鐘~
7. 再轉慢火加蓋煲1.5小時~
8. 最後加入少少鹽調味,就可以飲啦~

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

【小小豬】清熱下火黃瓜薏米螺頭瘦肉湯

4. 准山赤小豆扁豆湯

材料:豬肉眼、果皮、無花果、生熟薏米、北芪、准山、赤小豆及扁豆
做法:
1. 豬肉洗乾淨,氽水準用;果皮浸透去囊;其他藥材浸洗一陣備用~
2. 煲內放約3L水,然後加入果皮~
3. 水滾後放入所有材料~
4. 待水再次滾起時,先繼續用大火煲約15分鐘,然後轉慢火加蓋煲1.5小時~
5. 最後加入少少鹽調味,就可以飲啦~

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

【小小豬】清熱袪濕: 准山赤小豆扁豆湯

5. 甘草薏米綠豆湯

材料:生薏米、綠豆及甘草
做法:
1. 薏米清熱利濕,綠豆消暑解毒,甘草亦都可以解毒,所以三者加埋一齊煲就可以消暑解毒又祛濕,就算唔係濕疹嘅朋友仔都可以飲呀!
2. 薏米洗淨之後,浸水最少半小時~
3. 煲內放入係6碗水份量~
4. 然後加入三樣材料~
5. 待滾後,先加用大火煲十分鐘~
6. 之後轉小火加蓋煲多大約二十五分鐘,待綠豆煲到靡開成就得啦~

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

【小小豬】清熱解毒甘草薏米綠豆湯

6. 節瓜粟米紅蘿蔔煲豬骨

材料:節瓜、粟米、紅蘿蔔、蜜棗、陳皮、南北杏、豬骨
做法:
1. 豬骨出水備用
2. 陳皮浸軟刮囊備用
3. 節瓜及粟米去皮切件備用
4. 粟米切件備用
5. 南北杏、蜜棗略浸備用
6. 將所有材料放入高壓煲煲20分鐘,於喝前再大滾一下便成 (若用一般煲具,則以大火煲滾,再用文火煲2-3小時便成)

【幼兒湯品】 節瓜粟米紅蘿蔔煲豬骨

7. 赤小豆蜜棗粉葛 夏天湯水

材料:粉葛、赤小豆、紅蘿蔔、蜜棗、瘦肉
做法:
1. 先將豬展出水備用
2. 赤小豆及蜜棗洗淨略浸備用
3. 粉葛及紅蘿蔔去皮切件備用
4. 將所有材料放入高壓煲煲20分鐘,於喝前再大滾一下便成 (若用一般煲具,則以大火煲滾,再用文火煲3小時便成) 

【Sammy】幼兒湯品:赤小豆蜜棗粉葛湯

8. 冬瓜薏米水

材料:冬瓜、生薏米、熟薏米及糖冬瓜
做法:
1. 先洗乾淨冬瓜
2. 切件,成個冬瓜都好有用,所以就連冬瓜皮、瓜瓤和瓜仁都可以一齊煲。記得要將冬瓜皮擦乾淨先拎去煲呀~
3. 生熟薏米都浸洗一陣啦~
4. 煲內放入3L水,煲滾後就可以加入生熟薏米~
5. 然後就用大火加蓋煲約15分鐘~
6. 依個時候就可以加入冬瓜~
7. 待再煲滾後,就可以因應個人口味加入糖冬瓜(我大約加半包左右啦)~
8. 加蓋慢火煲45分鐘~
9. 隔清晒啲渣之後,就可以飲得啦~

比起其他材料嚟煲薏米,依個冬瓜薏米水入口唔算太濃,淡淡地都幾好飲。係夏天天氣炎熱時,可以密密煲然係放在雪櫃,隨時都可喝,可以消暑祛濕呀!

溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!

【小小豬】消暑祛濕冬瓜薏米水

9. 香茅檸檬葉水

成本:香茅、檸檬葉、青檸及冰糖
做法:
1. 將香茅拍爛,然後切幾段;檸檬葉就洗乾淨備用~
2. 青檸渣汁待用~
3. 煲內放入2.5L水,然後加入香茅及檸檬葉~
4. 煲滾水之後,加蓋轉中火煮15分鐘
5. 因應個人口味加入適量嘅冰糖,再煲多10分鐘~
6. 熄火後就要即刻夾起啲材料,因為如果浸得耐,個涼茶就會有一重苦澀味呀~
7. 之後就加以加入檸檬汁~
8. 攪勻後就可以飲得啦~

其實係煲嘅過程都已經有好清香嘅檸檬葉味,所以都有一點點嘅期待。所以一煲好我就已經急不及待嚟個暖飲,味道又真係唔錯,有一種好FRESH,而且係非常解渴,雪凍就仲好飲,所以依款可以話係夏日消暑解渴之選,炎炎夏日時真係要煲多啲呀!

【小小豬廚房】香茅檸檬葉水

10. 雲苓白术扁豆衣茶

材料:雲苓、白朮、扁豆衣、白芍、抱心伏神及蜜棗
做法:
1. 將所有藥材浸洗備用~
2. 於煲內準備12碗水份量,然後加入藥材~
3. 待水滾後,轉慢火加蓋煲一小時~
4. 大約煲埋有6杯左右份量,待涼後就可以入樽放在雪櫃,因為雪凍左好飲好多呀~

【小小豬廚房】健脾袪濕茶 – 雲苓白术扁豆衣茶

11. 檸檬薏米水

材料:生薏米、熟薏米、檸檬及冰糖
做法:【小小豬廚房】超簡單…美白又祛濕 – 檸檬薏米水

12. 百合麥冬太子蔘茶

材料:百合、麥冬、太子蔘、糖冬瓜
做法:【小小豬】消暑之選 百合麥冬太子蔘茶

13. 沙葛豬骨湯

材料:紅蘿蔔、花生、眉豆、沙葛、陳皮、生薑、豬骨
做法:
1. 將所有藥材浸洗備用~
2. 於煲內準備12碗水份量,然後加入藥材~
3. 待水滾後,轉慢火加蓋煲一小時~
4. 大約煲埋有6杯左右份量,待涼後就可以入樽放在雪櫃,因為雪凍左好飲好多呀~

其實依款涼茶又真係冇乜味道,加上又有少少藥材味,所以小小豬都唔多願意飲,所以俾小朋友飲用就要有心理準備要威迫利誘先呀…哈哈哈。但其實我又覺得唔係咁難飲呀,只係一杯有味嘅水咁啦!

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

【傑。斯與晴】小JM料理台。消暑湯水。老少都啱飲!沙葛豬骨湯

14. 消暑冬瓜粒粒湯

材料:瘦肉、冬瓜、冬菇
做法:
整冬瓜粒粒湯步驟
1. 預早一晚把冬菇先洗乾淨後用水浸泡及剪菇蒂
2. 豬肉切粒
3. 冬瓜去皮切粒
4. 湯煲放適量水後大火煲
5. 水滾後放所有材料下去(連浸泡冬菇的水)
6. 再滾起轉中火煲20分鐘就搞掂啦

弄冬瓜粒粒湯小貼士
1. 冬瓜皮是比較難處理,影片教學https://bit.ly/2rJqHvi
2. 整個湯沒有加調味,覺得沒有味的可以加一點鹽
3. 想口感更豐富可以加粟米、毛豆又或者蝦米也可以

【Kylife】筋肉寶寶養育記22M︳媽咪簡單煲 X $20一大煲 X 消暑冬瓜粒粒湯

15. 羅漢果桂圓冬瓜茶

材料:冬瓜、羅漢果、桂圓、水
做法:
1) 冬瓜去皮去瓤去籽,切幼條。
2) 桂圓浸洗,備用。
3) 羅漢果壓碎。
4) 煲內注入水,加入冬瓜滾15分鐘,然後加入羅漢果及桂圓,小火煲30分鐘,完成。
(如不夠甜,可加入適量冰糖)

notes:
大家要了解下自己個人體質,是否適合飲用。

【夏日消暑涼水】羅漢果桂圓冬瓜茶

16. 糖冬瓜消暑祛濕茶

材料: 消暑祛濕包、糖冬瓜、水
做法:
1) 薏米沖洗乾淨,用水浸10分鐘,備用;
2)其他祛濕包材料都沖洗乾淨;
3) 水滾後放下所有材料,大火煲10分鐘,然後轉細火繼續煲2小時便完成
功效:消暑解渴,利尿袪濕,清熱排毒

【Kelly’s Kitchen】糖冬瓜消暑祛濕茶

17. 山楂蘋果茶

材料:山楂、蘋果、水、冰糖
做法:
1) 山楂用清水浸30分鐘,用清水沖洗。
2) 蘋果去皮去芯。
3) 鍋內注入2L水,水滾下山楂及蘋果,滾10分鐘,轉細火煲45分鐘,加入冰糖調味,完成。

【鄭小B之成長日誌】消暑止渴–山楂蘋果茶

18. 冬瓜薏米鮑魚骨湯

材料:冬瓜、生熟薏米、蜜棗、鮑魚骨、水、鹽
做法:
1) 鮑魚骨飛水; 冬瓜切件(留皮)備用;
2)生熟薏米沖洗乾淨,用水浸10分鐘,備用;
3) 水滾後放下所有材料,大火煲15分鐘,然後轉細火繼續煲1.5小時,最後下少許鹽便完成

【Kelly’s Kitchen】冬瓜薏米鮑魚骨湯

19. 勝瓜煮蜆 夏天湯水

材料:勝瓜、蜆、蝦乾、薑絲
做法:
1.) 先將勝瓜洗淨,再刨去皮及以滾刀切成三角形狀,備用。
2.) 將蝦乾浸至軟身及洗淨已吐沙嘅蜆,備用。
3.) 預熱小鍋並加油,再爆香薑絲。再加入蝦乾稍為爆香。
4.) 將勝瓜加入蝦乾及薑絲之中,並注入三份二煲水。
5.) 水滾後可加入蜆。
6.) 煮至蜆打開即成,並按個人喜好加入鹽作調味。

其實除咗當湯飲之外亦可以加入粉麵或粉絲一齊食,會更滋味添架!整湯飯亦得,真係一湯幾食無難度。

【傑。斯與晴】簡易夏日消暑清甜勝瓜煮蜆湯

20. 黃瓜荷葉粟米鬚素 消暑湯水

材料:黃瓜、荷葉、粟米鬚、炒白扁豆、熟薏米、果皮、蜜棗
做法:
1. 黃瓜去籽切塊,切大舊啲都唔怕,因為太細煲完湯就冇得食啦~
2. 果皮浸透去囊;藥材就浸洗一陣~
3. 煲內放約2L水,然後加入果皮~
4. 待水滾後再放入其他材料~
5. 繼續用大火加蓋煲約15分鐘~
6. 之後就轉用慢火加蓋煲約1小時~
7. 加入少少鹽調味就飲得

溫馨提示:
由於個別人仕體質不同,所以大家記得煲之前了解下自己,如有疑問,請先向註冊中醫查詢!

【小小豬】消暑健脾祛濕:黃瓜荷葉粟米鬚素湯

21. 三色冬瓜齋湯

材料:冬瓜、紅蘿蔔、粟米、薏米、 陳皮
做法:
1. 冬瓜洗淨,切塊
2. 薏米用半杯水浸至發大,沖洗乾淨
3. 陳皮浸軟,刮瓤,洗淨待用
4. 紅蘿蔔刨皮,切件
5. 粟米去衣、去鬚,洗淨切件備用
6. 所有材料凍水落煲,煲約1小時左右,即成 (有需要可以落鹽調味)
如果真係唔慣飲齋湯嘅,可加瘦肉或豬展煲湯,咁就有D肉味唔係素食者都啱。

【荔枝孖媽】方便快捷嘅清熱消暑湯水: 三色冬瓜齋湯

*以上食譜部分含有中藥成分,飲用前宜先向中醫請教

相關文章:
【同陽光玩遊戲】點揀小朋友防曬用品好?
【2017加強版】全港22個嬉水池全面睇 邊個池最多滑水梯?

 

熱門文章

美味便當︱41款帶飯飯盒菜式食譜 滋味健康
02-27
去濕湯 合集 |42款清熱消腫簡單易煲排走體內濕氣
09-13
湯水食譜| 土茯苓牛大力湯 超強祛濕健脾胃湯水
05-11
家常小菜| 帶子蝦米蒸豆腐 帶子爽彈滑身 豆腐蛋白質營養豐富
04-17
湯水食譜︱ 鮑魚花膠螺頭煲雞湯 養顏護肝補腎
06-24

19款家常 滾湯 營養美味 最快15分鐘有得飲 適合上班族及廚房新手
2024-02-27
春天湯水 |10款春天湯水 中醫推介去濕湯 有助消腫、健脾胃、化春困、止濕疹痕癢 (附熱/寒底配方)
2024-02-19
新年食太多煎炸小食+玩得夜易上火 25款 清熱湯水 推介
2024-02-15
皮蛋瘦肉粥 生酮簡易食譜 無米都可以煮出軟綿綿粥底
2024-02-08
聖誕大餐食得多 31款 消滯湯水 /茶飲幫到你
2023-12-27
酥皮忌廉雞湯 香脆暖笠笠 人氣酥皮湯
2023-11-27
查看更多   ▸