【老公要睇】產假的真相 新手媽辛苦過返工
2017-06-23
新手媽媽啱啱生完BB,開始放產假時,容易俾人一種「你就好啦,唔使做啦」嘅錯覺。事實上,係咪真係放產假就等於唔使做呢?等Brightside用漫畫幫各位產假媽媽平反!有時放產假,仲辛苦過返工呀!
一、日常生活忙到一頭煙
以為媽媽放產假就係悠閒咁設計下營養餐單,坐下唞下?其實媽媽每一日都唔輕鬆,要做嘅嘢不停重複又重複,餵奶、洗奶樽、換尿片、掃風、哄小朋友瞓、又餵奶、又換尿片、洗衫仔、又餵奶、又換尿片……忙到一頭煙之餘,仲要好似機械人咁捱得先得。
二、生活規律要因為BB隨時改變
計劃好一日要做嘅活動,但結果可能完全唔一樣!因為BB呢個老闆隨時會扭計大聲喊、唔肯瞓覺、唔肯食呢樣嗰樣……媽媽要隨時候命,準備做好一切應對措施,唔好話計劃聽日想有咩活動,有時甚至連今晚有冇得瞓一覺好都唔知。