【營媽B】選擇小朋友食物2大堅持
2017-08-03
作為在職媽媽，雖然時間有限，但無論幾忙我都會堅持趁午餐時間親自選購食品俾孖寶（當然有時都會要姐姐或婆婆幫手啦~）
好多媽媽同我一樣，都會選購「非基因改造」及「無成長激素」的食物或飲品給小朋友。其實點解要揀 「非基因改造」及「無成長激素」的食品呢？
好多媽媽都會擔心長期食用基因改造食物的安全性，例如會否衍生對農藥有抗體的超級害蟲？會否產生新的過敏原，令部分人士出現過敏反應？
另外，好多飼養者為加快動物如豬、雞的成長，或增加乳牛的奶產量，會係動物身上使用人造成長激素，雖然暫時無確切的證據顯示，但小朋友進食過度有機會影響荷爾蒙分泌。即使分量少，長期食用都容易過量，或會引致兒童性早熟呢！
日常亦收到好多媽媽會留言問：「究竟應該點樣揀呢？」
作為精明媽媽，在購物時，應注意以下兩點：
1) 包裝上有列出以下標誌或字句：
．例如：非基因改造、non-GMO、GMO Free、無成長激素、no growth hormones
歐洲：
美國：
2) 選購自有商譽的廠商
順便分享一個用天然食材製作嘅食譜先~~ ^O^（孖寶好鍾意食架~~）
BB忌廉蘑菇雞湯（適合12個月大或以上）
【材料】（2餐分量）
新鮮蘑菇3隻
馬鈴薯（中）1個
無成長激素雞肉2滿湯匙
水2碗
奶、配方奶粉或鮮忌廉適量
植物油 1/2茶匙
嬰兒餅乾/軟飯/熟嬰兒通粉適量
【做法】
1) 將已洗淨的馬鈴薯去皮、切粒，加入滾水中。
2) 隨後將已洗淨的蘑菇攪碎，放入鍋內與馬鈴薯一起煮約20分鐘，直至食材都變得軟身。
3) 將雞肉洗淨，切幼粒，連植物油加入鍋內再煮5-7分鐘。
4) 最後，熄火，加入奶、配方奶或忌廉，拌勻，即可。
5) 吃的時候，可伴飯、通粉或嬰兒餅乾。
【營養師 Katrina小貼士】
．蘑菇含有豐富的水溶性膳食纖維，能幫助寶寶有靚便便，所以，蘑菇是寶寶餐單中不可缺少的食材。
．對於大一點的寶寶，可將蘑菇切成粒狀及塊狀，而不是磨蓉，讓寶寶有練習口部肌肉的機會，若是煮給大人喝的話，則可用攪拌機將蘑菇打成蓉。
．特別適合不喜歡飲奶嘅BB，一定會喝清光的！
作者：營孖媽
#天然 #純淨 #純淨簡約而不簡單 #非基因改造 #無成長激素 #多唔一定好 #有時少啲可能發現更多