【楠哥Blw日記】沒有你,我也沒有勇氣生妹妹

2017-08-04


楠媽現在是36Week 的大肚子,隨著妹妹臨盆在即,楠媽最近又重溫一下呢本《媽媽,我記得你》。呢本書係楠爸舊年,係楠哥未出世嘅時候,代楠哥送俾我的。我收到嘅一刻流了很多眼淚,好感動,因為從前的楠媽是一個貪玩又不懂事嘅人,是我讓小天使久等了。

IMG_4934

呢本書講嘅係「胎內記憶」如果同大家嘅宗教信仰不相乎,請略過我。

書中主要提到每個來到世界嘅BB都係獨立嘅靈魂,佢哋都有著各種不同既使命來到世界。胎內記憶是日本一位叫池川明嘅醫學博士做嘅研究,而且獲得獲國際專業認證。原來當中每3個孩子,就會有1個記得來到世上嘅原因。或者有人會覺得呢種「出生前的記憶」是小孩的童言童語,但神奇的是,儘管細節有些不同,共通點卻有很多。

佢哋大概咁樣憶述:

「住進媽媽肚子之前,我自己待在「雲上」,
一個軟綿綿、無憂無慮的世界。我決定自己的出生,
選擇想要的媽媽。我一直等,直到遇到你,
我信你會是世界上獨一無二最棒的媽媽,
於是住進你的肚子,期待跟你相見。」

19247817_467650446914803_7907417419878973254_n

楠哥~你知道嘛? 你是媽媽心目中的小天使呢~

我經常反問自己,我有這麼棒嘛?值得一個小生命(現在是第二個)因爲我/我們家而來到呢個世界?好奇怪,當知道有人欣賞自己,反而對我嚟講係一種鼓勵,我要更努力做好一個媽媽,唔可以辜負咗呢個小生命對我嘅期望,與其說我哋做父母,要教識孩子很多東西,教佢哋懂事。倒不如說孩子令我們更出色,孩子令我們嘅生命得到更多,我感激他們,令我成為一個更好嘅人。

IMG_3926

很感激你讓我有機會做你媽媽呢。

很多人覺得,第二胎既來臨會分薄了哥哥的愛,我想不是。楠媽好相信,緣份係天注定的。既然每個靈魂來到世界都有不同嘅使命。哥哥和妹妹一先一後只相差15個月也是注定的。可能佢哋相信我呢個媽媽應付到。(汗,我要努力) 如果我不是生了個氣質很好嘅楠哥哥,我想我沒有勇氣再生一個未知性格嘅妹妹。我有時幻想,佢哋兩兄妹在天上嘅情況一定是這樣。

楠哥:「你在這裏等我,我覺得呢個媽媽好好,呢個家好開心。我就先去看看哦。你等一下就快快來跟我相會啦~」

楠妹:「嗯。知道!」

IMG_4936

妹妹,哥哥幫你梳頭

請不要跟我說甚麼資源分配,時間分配這回事,因為呢D憂慮或者問題,係靠父母都可以化解的。

我這裏說純粹講愛,哥哥得到的愛是爸爸、媽媽、妹妹。3個人的愛。妹妹也是呢!

他們倆除了爸媽之外,還多了一份手足之情嘅愛呀 !

愛會分薄嘛?不會,家中嘅愛只會愈來愈多。

多一個人,就多一份愛。

IMG_3206

妹妹,你現在要走進我們仨嘅生命了。你也緊張嘛?

楠媽

作者:楠哥blw日記

熱門文章

【恢復全日面授】消息: 教育局最快下周晤學界商討恢復全日課堂安排
10-29
【流感疫苗】南韓接種疫苗增逾50死 涉事藥廠有疫苗供本港小學使用 醫生:南韓或屬個別事件
10-28
準「天鵝」料趨南海 下周一進香港以南800公里
10-28
【著數優惠】九龍灣舉行「玩具展」多款玩具品牌低至$50起
10-28
【四年抱七】雙胞胎、三胞胎全自然懷孕 7個都是仔 26歲爸爸遺憾:想要女兒
10-29

已捐贈亡妻眼角膜及傷健用品 林子博為太太延續愛與情操
2020-10-29
玫瑰崗就解僱教職員致歉 承諾成立調查小組及大力改革
2020-10-29
【婆媳關係】奶奶短暫搬入同住 連番對新抱無理挑剔抱怨 老公為免愛妻受屈趕走親母
2020-10-29
騷擾九龍城5穿校服女生兼故意失禁 19歲大專生被捕
2020-10-29
【四年抱七】雙胞胎、三胞胎全自然懷孕 7個都是仔 26歲爸爸遺憾:想要女兒
2020-10-29
【育兒漫畫】你家孩子肯定是被你寵壞了 | 牛媽彭小蹦
2020-10-29
查看更多   ▸