2017-08-30
一隻天鴿，沖出海上平時一直以為不存在的垃圾，也讓我們看到人性最醜陋的一面。
當有記者 訪問那些十號風球跑到碼頭追風睇浪的人，不怕會出意外麻煩到別人嗎，有港女竟然大言不慚謂，咁人係有好奇心㗎嘛——溫馨提示一下，早前香港反常落雹，有港女冒着危險上山睇霜影雹，消防員以安全理由勸喻離去，港女卻大條道理認為自己沒錯，你們受薪就該給我們服務……
你死你事，但麻煩到別人也可以完全沒有半點不好意思，真的需要多年道行與修為才能成事，有怎樣的父母就有怎樣的子女，有怎樣的伴侶就有怎樣的港女，自己影結婚相就要求小店免費借出拍攝，否則就是沒人情味的表現，又或者明知水浸仍然要拉男友下樓涉水拍照打卡，然後懶幽默講句「我哋今鋪真係沐浴愛河啦哈哈」，然後呃到一百幾十個Like，其實都是同一類人，真心求教，搞啲咁嘢究竟為咩？如果真係出咗事，會唔會覺得自己死得好無聊好弱智？
明明社交網站的Safety Check是讓真正有需要的人在危急時求助之用，卻有一大堆懶好笑香港人胡亂濫用，叫大家幫手買外賣上嚟食，幫我落牀拎個杯麵過嚟，唔見咗個大隻靚仔男友有邊個會嚟幫手……這些不知所謂、不懂輕重的Smartass行為，還自我感覺良好，究竟是從甚麼時候開始，我們變得這麼過分？
明知停車場已經水浸，給你衝進去也不會有任何作用，卻還是有人死要進去；明明斷水斷電的危難時候最需要大家發揮人性光輝，守望相助，卻有無良店鋪大發災難財，一盒叉飯一百元，一支水五十元，的士劏客加價五百一千元，為甚麼出事的往往不是這些劣等人類，而是其他無辜或者謹守崗位勇敢救人的好人？
作者: 王貽興
星島日報授權轉載