【小小豬】蓮藕眉豆瘦肉湯
2017-09-28
詬說上星期睇中午電視節目，係呀…我係有睇《都市閒情》，平日夜晚小小豬係屋企唔開得電視，咁咪趁佢返咗學就睇個夠本啦！
節目中其中有一環節係教煲啲秋天養生湯水，所以我就乖乖坐定定打算偷師一番。 其實老公都好鍾意食蓮藕，成日都叫我買嚟煮俾佢，不過我自己又少接觸，都唔知原來蓮藕同眉豆都係啲滋補潤燥嘅食材，好適合秋天飲用，所以我就跟住嚟煲呢個蓮藕眉豆瘦肉湯啦！
蓮藕有助健脾開胃、益血生肌；眉豆所含維生素B1能維持正常的消化腺分泌和胃腸道蠕動的功能，抑制膽堿酶活性，可幫助消化，增進食慾。(網上資料)
蓮藕一個(約一斤)、眉豆一兩、瘦肉約$35、陳皮一角及薑三片【1両=37.5g】~
