【葉偉麟】沉迷打機,廢寢忘餐
2017-11-15
八歲男童,就讀本地名牌小學,每日花近6小時玩遊戲機。 學業成績中上,脾氣暴躁,父母擔心長此下去,會嚴重影響小孩心智健康及成績。
家長:「一放學就打機,可以唔食飯唔沖涼,叫親佢停都話:得啦得啦,得個拖字!搞到半夜先肯熄機,第日仲邊度有精神返學啦!」
我:「咁佢學業應付到嗎?」
家長:「中遊份子囉。佢如果將打機時間用嚟讀書,肯定好好多。」
我:「佢願意花咁多時間打機,喺Game 入面一定搵到啲好重要嘅嘢,可以證明自到己。而且仲覺得比考試考得好更有成就感。」
家長:「咁即係點呀?唔通繼續鼓勵佢玩,唔使佢溫習功課?」
我:「呢個係我哋家長嘅期望,同仔仔現時嘅需要似乎有段距離。你知唔知仔仔而家玩緊邊隻game?」
家長:「吓?⋯⋯都係嗰啲打打殺殺,殺喪屍嗰啲掛?」
我:「肯定?不如我哋去證實吓先作定論啦。」
後來男孩來到治療室接受治療,他透露了最喜歡的Game 叫 Minecraft 。當中的角色,就是不斷在建構屬於自己的國土,擴大領域。其實是一個具有策略性及有野心的計劃隱藏在背後的。如果他真的喜歡這個game ,理論上他對自己學業成績絕對是個有要求的人。