【葉偉麟】天才資優生，在家校兩個面孔

九歲男童，就讀本地比較嚴厲小學，品學兼優，校內表現出眾，但在家中就180度轉變，經常與父母磨擦，做事拖拖拉拉，向父母說粗話。

家長：「佢點解會咁奇怪，好似兩個人咁嘅？」

我：「想請問下學校嚴啲？定係屋企嚴啲？」

家長：「都一樣啦，但有關係咩？佢喺學校咁有禮貌，有乜理由返屋企會講粗口架？」

我：「呢個可能未必係單純禮貌嘅問題。佢已經九歲而且係資優生，對錯倫理道德觀念冇理由唔識。佢似乎選擇喺屋企做番真正嘅自己。」

家長：「咁即係點呀？咁佢返學唔係學點做人嘅咩？」

我：「喺學校品學兼優，已經證明佢係有能力做得到。而佢只係選擇返屋企唔對家長做。你有咩睇法？」

家長沉默細想，然後說：「…….好似大人辛苦咗成日返工，放工唔使再對住老細，就可以唔使再帶住個面具，放鬆做番自己咁？」

我：「有咁嘅可能，亦有機會佢覺得自己日常生活細節，唔想經常被安排，想自己有啲主見話番吓事。」

家長沉默不語。