【葉偉麟】 被綁手綁腳的孩子
2017-11-21
七歲男童，父母非常緊張孩子一舉一動，悉心安排一切起居活動，凡事盡善盡美不容半點差錯。不知何故，男孩已經七歲但仍未能戒尿片。他在街外從來不肯上廁所，寧願強忍40分鐘，也要回家後才進行大小二便。
家長：「已經睇過秘尿科醫生唔係生理問題，點解佢會死都忍住唔肯去廁所？佢怕街外廁所污糟？」
我：「可能。但亦有可能係牽涉到權力鬥爭問題。」
家長：「唔係好明白？」
我：「似乎佢自己嘅所有野父母都安排得妥妥當當，相對失去咗感到自己嘅重要性，覺得自己冇話事權。佢潛意識想透過佢最終極嘅控制，即係大小二便，去嘗試抗衡返呢一段嘅關係。」
家長：「乜要去大便都仲有得忍咩？」
我：「強忍，完全就是有意識地控制。」
家長：「 …..我唔係好明喎⋯⋯」
我：「係一種好深層次嘅抗議。」