【天使媽媽】真的有聖誕老人嗎？

真的有聖誕老人嗎？

。。。

每年的聖誕節

都會靜雞雞，夜媽媽

準備聖誕禮物俾兩兄妹

關於信唔信有聖誕老人呢個問題呢(￣∇￣)

我家兩位，都幾有童真的小朋友
之前，一直信有聖誕老人同Tooth Fairy

尤其哥哥

當然有點懷疑
他們問「係咪你哋扮嫁」
我就笑笑口答「唔知」

。。。

今年聖誕節
妹妹收到禮物，就問
妹。聖誕老人點解會去Aeon買禮物？
媽。可能有Aeon卡想儲分啦
妹。點解聖誕老人識寫中文？
媽。有翻譯嫁嘛，知你哋英文唔好
妹。昨晚見你在客廳整嘢嘅？
媽。我開門俾聖誕老人嘛

。。。

全日就係圍繞呢個話題
究竟有沒有聖誕老人

其實
兩兄妹都知知地
究竟誰是聖誕老人

但不想辜負我哋一片苦心
又不想夢想破滅

咪大家做場戲，笑下咪開心囉
唔係邊有話題丫

依舊會好期待禮物
有邊個唔鍾意禮物同錢丫

而家仲好呀
扮晒嘢叫我問下聖誕老人送咩？
妹妹仲會俾提議，真係多謝晒

。。。

做人就係咁

你呃下我，我呃下你

善意的大話，無謂拆穿，是禮貌來的

兩兄妹，長大了 (⁎⁍̴̛ᴗ⁍̴̛⁎)

。。。