【Timtam仔】做足這五點,贏得奶奶心!
2018-02-12
講個笑話你聽!
話說我同老公一心想第一胎生女,當我們去產檢照結構時,醫生告訴我們是個男BB,我第一句衝口而出的說話是:下?我第時要做奶奶?
我腦就浮現:奶奶 + 新抱 = 婆媳糾紛 (暈!)
生了Timtam仔之後我就明白,為甚麼奶奶同新抱會有咁大鴻溝!十月懷胎,二、三十年愛錫、養育仔仔,幾年間俾另一個女人搶走!前世情人俾人搶左,做媽媽的總會心有不甘!
女人是非常麻煩的!我自己是女人都覺得女人好麻煩(笑)!不過就因為自己都是女人,就更加明白如何應付女人!
我會想,將來仔仔真的要結婚了,如果新抱對我好,我多個女兒孝順我,又能好好照顧我兒子,見到仔仔幸福組織小家庭,我就會好安慰!
前題就是,新抱如何:
– 對我好
– 孝順我
– 照顧好我仔仔
我奶奶應該都會想我這樣對她,其實我們做後輩的可以多點做主動,先做個好新抱!我有少少個人心得想分享,我奶奶人很隨和那種,所以比較容易相處,俾大家一些心得參考:
1. 多溝通、多關懷
見到面可以多點和奶奶閒談,多點關心她,聽她分享,大家多點溝通。有時候得閒也可以打電話俾奶奶,慰問關心她,天氣凍咗呀呢兩日,有冇著夠衫呀!