【小小豬】清熱潤肺 魚翅瓜蟲草花栗子瘦肉湯
2018-03-20
成日聽朋友講魚翅瓜煲湯係好味又有益，不過我都好似未煲過，印象中都只係NNN年前飲過一次。前日路經有機店，係入面見到有好多新鮮魚翅瓜，喺店員落力推介之下，我就入手一個，最後就煲咗依個清熱潤肺嘅魚翅瓜蟲草花栗子瘦肉湯！
魚翅瓜一直唔敢煮就係因為唔識整，經店主姨姨一教，原來同普通瓜果一樣，洗乾淨切開就可以。佢叫做魚翅瓜就因為煲完之後，瓜肉會刮成絲看似魚翅，所以就咁叫，絕對好易整呀！
魚翅瓜屬南瓜種，纖維相當豐富，可以清熱解毒、降血糖、降膽固醇；蟲草花含豐富蛋白質有助滋肺、補腎、護肝、抗氧化、抗疲勞、提高機體免疫能力；栗子養胃、健脾、補腎；紅蘿蔔補肝明目；粟米治療脾胃虛熱、養胃氣、解毒、除煩熱。(網上資料)
魚翅瓜(約兩斤)、蟲草花兩両、栗子半磅、紅蘿蔔一條、粟米兩條、蜜棗兩粒及瘦肉$30~
魚翅瓜洗乾淨，然後切件~
紅蘿蔔去皮切塊~
