【綿綿媽媽】回顧懷孕第6-9個月產檢歷程

2018-05-09


回想起踏入懷孕第24週(第6個月)開始,時間過得特別快,感覺沒有頭5個月咁慢長,開始有少少唔捨得懷孕嘅感覺。 “綿綿bb” 真的很錫媽媽, 懷孕期間沒有帶俾媽媽太大不適,加上綿綿爸爸對我萬分溫柔,令我覺得好幸福。

 

4 Jan 2018

呢日係第24W+1D,如常去健康院檢查、量血壓、驗尿、聽bb心跳,全部正常,但姑娘見我的體重只重得3Kg,覺得比正常人重得少,所以安排我再見醫生,最後醫生check 過bb 好正常,都算叫肥b不肥媽,所以叫我不用擔心,完全無問題了。之後另外幫我book 了期,第28週到瑪嘉烈醫院做妊娠糖尿測試,希望到時過關啦!

27 Jan 2018

當日係懷孕第27週,定期去咗私家醫生度做產檢 (St. Paul 謝慧貞),因為政府無得照超聲波,為咗安心,我同綿綿爸爸都會定期去探下綿綿,睇下佢喺肚入面嘅情況。雖然次次都覺得張相好抽象,唔識睇,但知道綿綿一切健健康康,生長速度正常,就好滿足了。今次醫生話綿綿好健康, size 合格,令我哋好安心。

31 Jan 2018

呢日係懷孕第28週,剛剛第7個月。到瑪嘉烈醫院進行妊娠糖尿測試。前一晚至當日要空腹 8小時,但可飲少量水。到醫院第一件事首先要空肚抽血,之後飲一大杯好甜嘅糖水,幸好我當時帶了一支飲管,所以較易入口。飲完糖水後,要再等2小時後再去抽血, 仍然要空肚,唔可以食嘢,否則測試就唔準確。幸好有綿綿爸爸陪我去,因為我真係好怕痛及打針,有佢喺度陪我,感覺會無咁驚。最後抽完第二次血就可以走得,我第一時間就要食嘢,因為怕餓親綿綿呵!醫院話如果一星期內沒有收電話,就屬於正常及過關!幸好最後我沒有收到電話,好開心,又過一關。

8 Feb 2018

當日係懷孕第29W+1D,到健康院檢查,今次除了量血壓、驗尿、磅重及聽bb 心跳外,姑娘用尺量我個肚size 及用手摸bb 位置,check 到原來綿綿bb已調了頭,綿綿好叻叻呀,一切都好順利。

24 Feb 2018

呢日係懷孕第31W+3D,去St.Paul 做產檢,謝醫生話照到綿綿bb係入面游緊水,心跳正常,現在bb體重1.5kg,size 正常,因為仲有2個月時間,bb 總體重去到3kg 就達標,但又盡量唔好重過呢個磅數,因為我身型比較細小,怕bb太大會好難順產。其實我呢段時間已經開始覺得個肚好重,行路係有些少吃力,不過我仍然覺得一切都是值得的!

8 Mar 2018

呢日係懷孕第33W+1D,原來已經踏入第8個月,時間過得真快。綿綿爸爸陪我去健康院產檢,如常平時基本檢查,不過今次驗到尿液有蛋白,所以要再驗多次,幸好第二次驗到正常。之後等見姑娘摸肚聽心跳,及check 有無腳腫,幸好全部正常,最後姑娘俾咗個期我下一次到瑪嘉烈醫院產檢。

17 Mar 2018

呢日係懷孕第34W+3D,去左St. Paul 做產檢,謝醫生話綿綿BB 有2.3kg,size正常,進度好好,胎水及胎盤位置都正常,但來緊盡量唔好食太甜及太多澱粉質,怕bb大得太快,會難順產,總之 target 3kg 內就足夠。 數數日子,原來當日離預產期倒數日子仲有38日,感覺時間開始過得好快,心情愈來愈緊張!

22 Mar 2018

當日係懷孕35W+1D,到瑪嘉烈醫院進行產檢,今次磅重終於比未懷孕前重咗8kg,可能綿綿大咗及我自己都食返多小小嘢,基本上所有都正常,另外醫生幫我約了下星期做乙型鏈球菌檢查,通常係35-37W 呢個時期都要檢查,因為如果有菌,順產時會傳染給BB。所以我又再次緊張起來,第一怕痛,第二怕唔pass,不過我明白無論結果係點,都要努力面對呵!

28 Mar 2018

呢日懷孕第36週,剛剛踏入第9個月,去瑪嘉烈醫院做乙型鏈球菌檢查,一路等一路驚,因為要將棉花棒插入陰道及肛門取樣本去化驗,一直都怕痛嘅我,最後居然無我想像中痛。我都盡量學之前醫院教既呼吸方法去放鬆,最後唔使1分鐘就檢查完,即時鬆一口氣。希望結果pass 啦!

現在懷孕36週,終於完成晒整個懷孕期基本需要檢查嘅所有階段,接下來這個月除了定期產檢外,就是要隨時迎接”綿綿BB”嘅來臨,我開始溫習,做定準備,原來美素佳兒呢本書嘅內容好實用,各位準媽媽一定啱睇!

綿綿媽媽雖然好怕痛,但我會加油的,希望各位媽媽都能生產順利!

 

綿綿媽媽的足跡

https://www.mamibuy.com.hk/home/13092

https://wow.esdlife.com/sukimama

http://mami.presslogic.com/author/suki/

作者:綿綿媽媽

熱門文章

【Miss Carley】教導寶寶說話有妙法 – 六至十八個月篇
12-04
【育兒心得】善用2至7歲大腦爆發成長期 留意4件事 有助學習事半功倍
08-01
【劍橋研究】爸爸0至3歲陪伴一起玩耍 孩子成長後更善於控制情緒和行為
06-30
【自行吃飯】何基佑:一歲了,別再餵孩子!
05-28
【育兒心得】生了小孩之後,生活會不會比較快樂?│阿映的育兒日記
07-09

【李韡玲】孕婦應該做運動嗎?
2020-07-13
【相依相偎】雙胞胎在媽媽肚子裏甜蜜親吻
2020-07-10
【分娩準備】生仔除咗走佬袋,仲有咩要準備??︳Kylife
2020-07-04
【懷孕飲食】孕婦的禁戒與營養攝取
2020-07-03
【順產預備】媽咪二次懷孕35W︳無得上孕婦減痛班,上網自學減痛法得唔得?!︳Kylife
2020-06-23
【照結構】媽咪二次懷孕33W︳照結構後發現胎兒腎盂漲大點算好?︳Kylife
2020-06-20
查看更多   ▸