【關你nurse事】女人最痛：順產v.s. 剖腹產
2018-04-25
我做助產士之後最常俾人問到的問題
係「姑娘，你見咁多會唔會怕了生bb」
老實說，我。好。怕。呀！
雖然我無生過但好痛呀！！！
我跟我的助產士朋友同朋友都會各自討論到底順產好定剖腹產好！?
我會將兩者比喻為
「先甜後苦」同「先苦後甜」計劃！
如果鐘意聽壞消息先的朋友，咁順產就岩哂你！
因為要生bb時真係好痛好痛
係講100次好痛都不夠！
因為順產的原理是靠子宮收縮，
將bb撞向子宮頸這個門口
將子宮頸推薄推開
成個過程肚，腰背，恥骨同陰道入面都會覺得痛！
去到後期重會有一種好急大便的感覺
因為bb壓住左後面既肛門
有d媽媽話過我知
急大便既感覺比肚痛辛苦呢
所以好想有咁快生咁快呢！
另外有些媽媽生的時候需要剪一個會陰傷口
幫到bb個頭順利岀到