【 New born 1-3個月的煩惱】如何幫助寶寶入睡

2018-04-27


Caleb B 係37週既時候就衝出嚟呢個小小世界啦~
第一個感覺係…呢舊識講野嘅飯團,應該點凑?

事實雖然見過好多小朋友,接觸過好多家長,有點東西仍然是不做不明不懂的~
不過幫小寶寶去建立一個有規律既生活(structured lifestyle)絕對是第一樣應該好好嘗試培養的事,一兩個月既BB 就可以開始的了

點算有規律?就係食-玩-瞓~~ 呢個循環係BB 不同階段會按著佢不同需要變化,而每個BB既情況都係獨特而不同的

諗返起剛剛出世caleb b 每兩個鐘就食一次奶,每天就是餵、換片、氹瞓,然後自己瞓一陣……有唔知幾多個夜晚就是在廳行行行,搖搖搖,在梳化兩個一齊瞓著咗……聽到喊聲醒了又再餵…..

其實new born BB是沒有日和夜的概念,所以媽媽同樣没了日和夜……
bb出世之後,媽媽就由一個瞓足10小時的大肚婆係一夜之間變成broken sleep 到只有30-45分鐘

而有些家長認為應該讓BB自己在床瞓,培養自己入睡的習慣

不過心理學家Erik. Erikson提出的心理社會發展學(Psychosocial developmental theory),第一個階段0-1歲就係關於信任與不信任,所以建立安全感,有被重視的感覺都好重要;加上仍是很初生的BB,我的方法都係以盡量俾安全感佢為先

 

 至於點樣幫助bb入睡?

其實有好多方法,頭6個月我地都可以盡量模仿媽媽子宮既狀態,令佢感到暖暖及安全,以下有幾個方法…. 

1.安撫擁抱

– 除了因為小寶寶在子宮活動範圍較少外,根據感覺統合治療(sensory integration),
觸覺(tactile),即從皮膚而來的感覺,是最基本、影響力最大的系統,故此令小寶寶滿足其觸覺上的需要,可以令他減少不安,較容易入睡。

有些家長會用包巾包緊法,當然要好好留意小寶寶的呼吸情況了
ref: https://www.youtube.com/watch?v=etiNJmOSM4E

不過caleb b比較喜歡自由,哈哈~~呢個方法唔太work on him……而我大多會拍拍他,將他擁入懷中和陪伴陪伴,亦是不錯的方法

2. 奶咀 vs 餵奶

– 奶咀的確是令小寶寶容易入睡的方法,但亦有很多報告指出,尤其母乳媽媽,小寶寶太早吃奶咀會容易跟乳頭混淆了,所以建議頭3個月不應給小寶寶奶咀

– 另一個方法係餵奶慢慢入睡,其實大部份初生bb (好似Caleb b)都係2個鐘已經食一次,所以有時其實不知不覺都會在餵奶中睡著了……但如果係佢食完奶之後,仍然清醒,而之後先再哄佢入睡的話,我就不會用餵奶的方法,因為都希望佢慢慢有食玩瞓的習慣,而且這樣不斷埋身餵媽媽也太累了…..

所以這兩個方法係Caleb b 1-3個月時,我都不太prefer 用

3. 白噪音(white noise)

白噪音係指一段聲音中的頻率分量的功率在整個可聽範圍(0~20KHZ)內都是均勻的(即係點…哈哈),就是一些好像電視,風扇,風筒等的「嗡嗡」聲,對小寶寶有安撫的作用。
當然要留意不要太大聲而影響其聽力,大約50分貝(就是沖涼水聲大小)較為合適~

Caleb b聽white noise好work,尤其係風筒!!!
唯一就是當時我都不太留意聲量的問題:( 不過現在的Caleb b 仍然聽得清楚,所以我都不太擔心!
但white noise我自己經驗覺得有期限的,Caleb b 在開始的1-3個月很合用,之後就不是了

還有其他方法的,如到戶外走走甚至開車兜風,不過就真係有d難應用吧…. 所以,Caleb b睡覺大法就是 安撫擁抱+ white noise啦~~~~  

到接近3個月時,Caleb b 自己都慢慢適應左,日頭有每3小時的食玩瞓cycle, 晚上可以係自己床瞓到average 4-5 hours……所以說到底,如何可以的話,媽媽們最好由寶寶出世開始就培養一個食玩瞓習慣,對佢大個就會有更好的幫助了!

 

作者:Calebma

Facebook:

https://www.facebook.com/calebmama/

IG:

https://www.instagram.com/calebma_calebb/

熱門文章

【Miss Carley】教導寶寶說話有妙法 – 六至十八個月篇
12-04
【育兒心得】善用2至7歲大腦爆發成長期 留意4件事 有助學習事半功倍
08-01
【劍橋研究】爸爸0至3歲陪伴一起玩耍 孩子成長後更善於控制情緒和行為
06-30
【自行吃飯】何基佑:一歲了,別再餵孩子!
05-28
【育兒心得】生了小孩之後,生活會不會比較快樂?│阿映的育兒日記
07-09

【關於運動】想孩子愛運動 除了一起看賽事 爸爸還可做甚麼?│招雋寧
2020-07-20
【育嬰生活】弟弟3個月快樂︳安妮媽媽親子日記
2020-07-19
【二寶媽媽】湊B心得。第二胎比第一胎照顧得更輕鬆︳和牛b的成長日記
2020-07-17
【強人是你】當媽媽生病的時候|家有小怪獸
2020-07-10
【新手父母】一趟屬於媽媽的旅程 | 家有小怪獸
2020-07-10
【育兒心得】生了小孩之後,生活會不會比較快樂?│阿映的育兒日記
2020-07-09
查看更多   ▸