健媽媽 - 方便快捷野菜粉

日日諗煮咩, 真係頭都痛埋, 你地知啦, 要均衡飲食, 3份麵飯2份蔬果1份肉類, 有d又話煮得耐會冇咁d維他命(例如維他命C就唔可以高溫喇) 有d煮完又冇晒益生菌wo(煮死晒啦), 所以媽媽我真係日日都R到爆頭, 點先可以一餐比到米豬有晒充足營養呢?

早排見朋友仔們都食呢隻 日本15特選野菜粉, 我呢d連米都要食日本米ge漢奸梗係唔執輸即刻班返盒來試吓啦~~

呢隻野菜粉係由九州出產ga~~ 所有原材料都來自九州, 由15種唔同ge蔬菜收割後用專利技術急凍再成棵由葉到根打碎, 每一包野菜粉都有15種唔同蔬菜ge營養同酵素~! 由於用專利技術處理過, 就算高溫加熱都唔會影響到佢營養成份tim! 正呀~! 啱晒我呢d死懶鬼~~~  一次落一包~ 超方便~~ 

打開就見到, d菜粉仲係好翠綠ga~ 

第一次試飲, 就懶上加懶, 溝落湯度啦~ 一口氣飲晒4安呀~

因為米豬其實係一個唔鐘意飲水ge寶寶(脫水寶寶揮手區) 每次要氹佢飲水真係難過登天, 由於唔肯飲水, d便便梗係屎實實啦…… 所以我都盡量日日煲湯, 有味野就肯飲囉~~  但其實日日煲湯, 真係好難ga ma… 尤其是要揹埋呢個廿幾磅ge人仔去街市, 而家又開始熱wo….. 咁煲一煲湯, 又瓜又菜又肉, 都好重ga ma you know…… 所以有咗呢個野菜粉, 我間唔中1日半日偷吓懶, 用菜粉溝水呃米豬飲咪得囉~~ yeah~~

有益食品肯食梗係keep住食~~ 第二日媽媽又懶~ 花生醬包包, 又嬸d粉上去 又食到lam lam脷wo~ 

咁我又唔係日日都咁懶ge~~ 大家一齊嚟睇吓我地呢個全日系食材整ge pancake la~

材料:

牛奶/配方奶/媽媽奶 2湯匙

麵粉 4湯匙

日本15特選野菜粉 半包

蛋(我用日本蛋) 1隻

 做法:

1. 麵粉連半包日本15特選野菜粉撈勻

 2. 加入奶攪勻, 再打蛋

 3. 成個麵糊杰身就可以預熱平底鑊, 夠熱後轉小火, 落粉漿

 4. 見到上面0個浸好多窿窿仔就可以反喇

 5. 食得~

 米豬其實唔算好鐘意食pancake ga~ 咁平時淨係得蛋同奶又悶咗d, 今日加埋野菜粉, 香好多呀~~ 

今日即刻食多咗幾塊呢~

除咗整pancake, 我都就咁溝水比米豬飲, 有時整麥皮又倒d落去撈埋一齊食, 食咗一星期度啦, 每日1-2包, d便便真係冇咁屎實實呀~~~ 之前見佢便便時(仲係响片片度屙), 佢自己踎响度谷到紅都面晒屙完就臭崩崩, 條片包2層膠袋都聞到0個陣味…. 而家便便唔駛谷到紅都面晒, 仲冇咁臭tim呀~!! 咁好ge野梗係keep住食啦~

其實唔止加固bb食得, 連孕婦都食得ga~ 可以幫助腸腸郁吓, 去廁所可以冇咁辛苦ya ma~~ 我地長期食仲可以幫助排清宿便tim~ 咁筍ge野, 我又點會淨係比米豬豬食, 媽媽我梗係一齊食啦~~ 事關湊咗米豬之後, 唔知係壓力大定我自己食無定時呢, 其實腸胃都差咗啊…. 各位媽媽應該好明白, 湊仔ge生活, 真係安安靜靜去個便便都冇咩可能, 事關一定有位觀眾望到你實一實…. 

我的忠實fans……….

自己飲就冇整比米豬食咁講究喇, 我求其沖水飲就算

快吖ma~~~

點知係有陣好香ge抹茶味~~~ 正呀~~~~ relaxing moment~~~ 我飲咗一排之後, 腸胃都好返好多喇~ 真心推薦比各位媽媽~~!!

想知多d, 可以去佢地網頁睇返詳情啊~~

http://15green.com.hk/