【Scientific Papa】給孩子唱一首獨一無二的搖籃曲
2018-05-09
青少年時代，筆者同朋友嘅聚會很多時都在卡啦OK度過，仲記得每次當個咪高風傳到筆者手上時，啲朋友就有啲話要上廁所（重點係唔去房裏的那一間，反而老遠走到走廊尾的那一間），有啲話肚餓要攞嘢食，剩下來的實在都是筆者的知音人（職業性失聰率最高的職業）。
日子一天一天過，筆者的知音人年齡卻愈來愈細；每晚來到10點，如果女兒們還未睡著，筆者充滿磁性嘅歌聲就會大派用場， 女兒們聽著筆者的歌聲，就會安靜下來，然後進入夢鄉⋯⋯
原來，歌聲係其中一種嬰孩最有效的安眠藥；澳洲墨爾本大學專責研究音樂與思想和幸福的關係的Dr. Collins指出，聽覺是嬰兒2歲前最重要的感官系統，所以嬰兒對聲音特別敏感。然而，研究亦發現媽媽嘅歌聲除了令嬰兒可以從哭鬧中冷靜下來，更可以送嬰兒進入夢鄉⋯⋯（可惜個研究無邀請到爸爸唱歌！）
搖籃曲對嬰孩嘅重要性，筆者相信大部分父母都會知道，但你們又有沒有想過，當你情深溫柔咁唱歌俾自己嘅孩子聽時，除了釋放了自己對孩子嘅愛，同樣會令自己感到幸福？
喺美國紐約市，Dr Dennie Palmer Wolf 為了使活在壓力中的母親得到紓緩，而發起了一個名為「Lullaby Project」搖籃曲計劃（https://www.carnegiehall.org/Education/Social-Impact/Lullaby-Project）嘅活動，幫媽咪作曲填詞，做一首完全屬於一個家庭的搖籃曲，幫新手媽媽面對嬰兒的睡眠問題。
雖然，筆者無能力為女兒作曲咁浪漫，有時仲會「技安」上身走晒音，但從筆者的觀察，女兒還是會愛上爸爸那溫柔嘅歌聲——也許是因為爸爸的歌聲總是充滿著愛吧！
Reference:
https://www.nytimes.com/2018/05/07/well/family/lullabies-parents-babies-bonding-mothers-singing.html
專頁：科豆 Scientific Papa