【Alvin 媽媽】照結構20w3d-醫生恭喜我BB有兩個腎?
2018-05-11

愉快渡過5日4夜泰國之旅,回港第二天就要面對非常重要的事,照結構!!!
心情又緊張又興奮,因為大家都知道照結構係十月孕期裡面非常非常重要的一件事!由於政府沒有安排我做,所以我們一早已book好在私家診所照結構。當然如果政府醫院有提供此服務比你地,你地一定要去呀。
到私家照結構費用一般由$1500-6000不等,視乎醫生而定。萬一touchwood照完發現BB有嚴重缺陷,現行法例容許父母喺BB未滿24周前終止懷孕。
當然,大家都唔希望出現咁嘅情況啦。
坊間當然有好多選擇呀,對我來說,照結構實在太重要,我亦不敢隨便。一直以為4D照結構是最好最清楚,經過了解後發現照結構性超聲波是沒有4D的,4D圖像只是照面部時,醫生照到就會照,而且並不是每間診所都有4D架。
如果好希望同時透過4D照到BB個樣就更加要問清楚喇!!!!
最後我們選擇了在尖沙咀一位知名度高,經驗豐富的醫生替我們做結構性超聲波。醫生真的超好,詳細解釋,非常清楚,風趣醫生亦令到我們緊張氣氛舒緩了很多。
費用大約$3000左右。過程亦非常簡單,做好登記後,診所姑娘亦會派發結構性超聲波單張讓我們更加了解。並且姑娘會提醒我盡量不要去vv,
直到照完。所以我都盡量忍住。
之後到醫生房開始照,其實同平時做產檢一樣,只係知道部儀器是絕對不一樣的。醫生逐一仔細檢查及量度BB嘅結構及內臟,包括頭骨、腦、心、肺、胃、腎、脊骨、手指仔、腳指仔等等。當望到畫面上的手仔,醫生同我地由一數到十,真的覺得好興奮,好奇妙。感謝主!醫生話「BB一切正常」,
仲特別恭喜我,因為BB有兩個腎!
當時想正常人不是都應該兩個腎嗎?醫生就話一切都非是必然的。令到我立即眼紅紅了,
我只希望BB能夠健康成長。
不過醫生特別提我有胎盤低的情況出現,亦建議我不要工作太忙,不要行太多。不過醫生話胎盤於34w前都仍處於未穩定狀態,所以都還有機會升返上去的。
總言之,結構報告顯示BB正常,我們都放下心頭大石回去了。
文大長,下篇再同大家分享胎盤低的情況!
#結構性超聲波
#照結構
#Alvin媽媽
Hello, I am ALVIN’s 媽媽, 希望可以係度同大家分享我懷孕過程點滴同埋Baby Avlin 的成長。希望遇到更多志同道合的媽媽一齊向前行!
歡迎關注我們唷!!
Facebook page:https:https://www.facebook.com/BabyAlvinMAMA/
Email: [email protected]
作者:Alvin 媽媽