【Scientific Papa】抽獎，真係會唔想中獎？！

筆者這幾天看到不少有關小學大抽獎的報道，正正是有人歡喜有人愁——特別的例子，更成為媒體關注的對象，相信不少人亦疑問，真的嗎？「嗰個阿媽竟然為咗個仔讀名校搬屋，仲要派咗最後志願間學校？！」「使唔使呀，坐遊艇慶祝派到第一志願？唔通以為自己中咗8千萬六合彩頭獎？！」

筆者深信，父母在放榜那刻的開心與傷痛，也許真的是發自內心，並非演戲。面對自己完全控制不了的大抽獎，而想中獎又是人之常情，開估剎那控制不了情緒，實在不奇怪。筆者亦相信，不少對現有抽籤機制既憎恨又害怕的父母，實是迫不得已要參與這場遊戲。

生咗小朋友要唔玩這個遊戲，其實不容易。

帶仔女移民到外國？錢不夠多、學歷不夠高、無親戚住喺外國，要做到難度十分之高。讀私校或直資？錢不夠多、小朋友面試表現唔夠好、自己人脈唔夠廣，要做到十分之難。唔返學自己教？錢不夠要返工、教小孩沒耐性、沒有志同道合的朋友讓小孩能過群體生活，亦令家長舉步艱難。思前想後，不喜歡賭博又運氣長期谷底的人，結果還是要填表，把小孩的號碼像六合彩的攪珠球一樣，放到攪珠機裏，期望能被攪珠機早早就吐出來。