【小小豬】虎乳靈芝川貝燉雪梨 止咳平喘

早幾日見到有朋友仔介紹左可以強肺氣又對止咳平喘、支氣管炎都有療效燉湯，見小小豬依排都有少少乾咳，我估都可能係氣管敏感所致，所以就燉黎滋潤下啦！

可能大家都會同我有一個相同諗法，虎乳靈芝係咩黎？但其實它係唔屬於靈芝科，係真菌科嚟呀。虎乳靈芝對補益肺氣，增强肺的功能有一定療效。平日小朋友係學校很容易感染傷風感冒，平時飲可以預防傷風感冒、强壯體質同埋增強抵抗力。不過病緊就唔好飲住，好番先飲。

虎乳靈芝都唔係好貴，我係藥材店買1舊太約係1両，都係$40。買嘅時候就係一舊舊，店員都會幫我地切片。

好啦…講返今次嘅虎乳靈芝川貝燉雪梨材料先，虎乳靈芝6 片、雪梨2個、蜜棗3粒、川貝3錢及熟水2碗。

虎乳靈芝浸10分鐘沖淨。

川貝先壓碎少少，咁燉時就可以出味啲。