【Kylife】流感季節加上九月開學，各位小朋友準備好預防未？簡單５招減低患病機會
2018-07-12
今年2月大家應該都記得乙型流感大爆發，當時有多間中小學同幼稚園都出現學童集體感染個案。
雖然筋肉寶寶未到返幼稚園嘅時候，不過當時自己帶佢去街，都好驚會令到佢病，「小朋友病最辛苦就係父母！」筋肉寶寶就快去到識行識走，要爸爸媽媽帶佢出去玩嘅階段，而佢感染唔同病毒嘅機會就大大提高，所以我開始搵唔同嘅健康Tips，希望幫到佢亦幫到自己。
以下分享簡單又易做嘅方法畀大家，雖然成日見到好似無咩用，不過Keep住做堅有幫助㗎，大家都要勤力遠離病菌侵襲呀！！
1. 保持雙手乾淨！
事源有一次我睇醫生，佢同我講：「只要勤洗手，病嘅機率真係會大大減低。」由嗰時起我返到屋企第一時間就會衝去洗手，同埋都盡量洗夠30秒，想知點洗先啱，可以睇依度：正確洗手方法
2. 增強抵抗力 Power Up!!
盡量做吓運動，如果真係無時間就嘗試從飲食入手：多飲水、少飲凍飲，多菜少肉及多食水果，吸收維他命同微量元素。
3. 出街必備防護用品！
有時出街好驚身邊會有人咳，所以自從我有咗，我就Keep住拎口罩同消毒濕紙巾，到宜家BB開始咩都想摸吓，所以我都要準備適合嬰幼兒嘅消毒殺菌噴霧，隨時隨地消毒佢嘅小手仔。
4.營造潔淨家居，嚴選成份安全的產品協助至為重要！
自從筋肉寶寶出世後，我哋屋企嘅衛生程度提升至史無前例嘅最高級別，到宜家佢開始識爬識企，為咗佢、我哋會嚴選100%不含酒精、入口安全同唔刺激皮膚嘅消毒殺菌液去清潔。
5. 大人細路常用物品要經常清潔！
相信大家都聽過最污糟其實就係大家成日用嘅手機，我經常會清潔常用物品好似電話、出街袋同成日拎出拎入嘅銀包等等。以前無諗過要清潔，宜家諗返起以前咁耐都無清潔，都覺得勁污糟呀！
