【Scientific Papa】要瞓夠，先有精神湊小朋友㗎嘛
2018-07-17
生咗第一個，有埋第二件之後，筆者同太太開始發現自己同「周公」嘅關係越來越疏離，尤其太太每晚都要埋身餵母乳，「一覺瞓天光」對媽媽黎講真係奢侈過奢侈品。而唔夠瞓就會唔夠精神，第二朝又要返工，有咗小朋友就連「補眠」都唔係自己控制嘅「核心內圍」，返工同湊小朋友自然變得混混噩噩，攰到個點係會自己都唔知自己做緊乜。
係人都知唔夠瞓做乜都事倍功半，咁究竟媽媽唔夠瞓又會唔會影響到佢湊小朋友呢？
早係2007年就有研究發現，媽媽嘅睡眠質素會影響她們的心情及壓力，但好多時因為照顧小孩要面對同處理嘅問題或事情太多，「媽媽夠唔夠瞓」呢件事，好容易被忽略。