【城市驚喜】彩虹中的免費「心靈綠洲」~撲蝶‧耕田‧大自然

2015-11-15


我對阿囝說:「我哋今日去彩虹地鐵站隔離耕田! 去撲蝶, 去感受大自然!」…SY奇怪眼光:「爸爸, 你講真講假? 地鐵站點會有得耕田?」

DSC02541

我第一次聽到, 其實與SY一樣, 有同樣疑問…不過, 由地鐵站A2出口, 步行5分鐘, 原來真的有一個「綠洲」, 而且不計租田部份, 任何人也可以自由進出, 免費與花花草草玩遊戲.

 

DSC01187

「都市綠洲」是基督教家庭服務中心2011年創辦, 當中有一個7000呎的「心靈綠洲」, 一走入裡面, SY便好似「放監」一樣, 不停走, 不停追蝴蝶…SY:「爸爸! E度仲多蝴蝶過上次嗰度」(佢指鳳園)

DSC02494

負責人阿邦:「無所謂架, E度可以任跑, 花花草草都可以任摸, 任摘, 如果有被蚊咬, 你可以自由用D到手香, 搽落去蚊爛地方, 好洗得架」

DSC02517

「心靈綠洲」真心覺得無得彈, 就連SY不停觸摸小花, 不停說:「原來D花好滑, 仲滑過媽媽…好好摸, 好舒服呀!」, 也不怕破壞大自然, 今次都算小朋友第一次與花花草草零距離接觸的一次.

DSC02513

(點解E度咁好, 可以任攪嘅?) 阿邦:「因為我哋希望透過花花草草, 幫大家達到淨化心神, 透過5官6感嚟治療大家心靈, 咁觸覺都係6感之一!只要唔好惡性破壞就得」(真係正!! 郊野公園都唔可以亂摘花啦…E度竟然歡迎大家與花花草草握握手, 做個好朋友喎)

DSC02530

如果天氣涼少少, Hea住坐在藤椅歎世界, 又有花香, SY又可以自動波不停撲蝶, 不用煩我…這裡不止是我的「心靈綠洲」, 我覺得簡直是神跡聖地呀!

DSC02524

逛完「心靈綠洲」, 阿邦帶我們參觀租賃給公眾的小農田, 他說:「暫時我哋有344幅田, 不過農田地方, 小朋友就唔可以周圍走啦, 因為全部都係租田者的心血, 我哋就要小心所有農作物, 唔可以亂掂啦」

DSC02432

(租田幾多錢架?) 阿邦點點頭:「$300至$400一個月, 視乎面積, 如果覺得唔啱, 完咗半年租期就可以退出, 不過暫時都未有人放棄, 排隊就大約有30人等緊…」(其實, 如果我有心種, 我租咗塊田, 我都唔走啦, 幾百蚊咁抵)

DSC02470

(咁…無人走米有排等?) 阿邦:「係呀! 所以我哋嚟緊會擴展, 希望可以畫出更加多田出嚟…」

DSC02427

(其實,租咗塊田, 我哋要做咩架?) 阿邦:「租咗我哋農田嘅朋友,就要由播種,到施肥、除草除蟲,收劏全部一腳踢,我哋只係會包每日淋水一次, 所以大家要諗清楚有冇時間先好嚟呀!」

DSC02453

突然SY大叫:「好臭!!好臭!!…」阿邦:「少少酸酸哋嘅味啦…E個係廚餘處理機, 只要將廚餘放入機器內24小時, 體積就會縮8成, 未完全發酵好的廚餘, 就有少少酸味, 但已經唔會再臭」

DSC02469

原來廚餘需要擺放2-3個月才會完全發酵, 否則因為發酵會釋出熱力, 於是便會燒傷植物根部…我跟SY說:「你覺唔覺得D廚餘真係熱熱地?」SY掩實口鼻:「臭到死, 影完相未呀? 我想走…E度好多飛飛」(車!根本就唔臭)

DSC02476

有機泥土用黃沙泥加馬屎, 原來全部由馬會提供…阿邦:「佢哋處理過之後, 會免費比我哋用, 你嚟聞下, 如果唔濕水, 一D味都無, 濕水就會有味…」對!如果阿邦不說, 我真的不知是馬屎, 根本同普通泥無分別啦!

DSC02501

我懷疑SY前世一定是農夫, 因為他今日特別興奮, 特別是當阿邦教用泥耙的時候, 一向怕羞的他, 竟然主動上前示範, 落力得連阿邦也忍不住:「你會鋤爛我哋塊地喎, 不如我帶你去田度實習一下啦…」

DSC02560

每一塊30呎的田, 原來要翻泥約300次, 最初連阿邦也以為SY只是做樣玩幾下…誰知這位懷疑前世農夫的小朋友, 不停鋤泥, 鋤不停…我問:「你唔攰咩?」(我鋤幾下都無氣…)

DSC02584

一邊鋤泥一邊答我的囝:「好好玩呀! 仲好玩過打卡機, 我唔得閒呀!哥哥話要翻到一樣色, 要夠平, 先靚架」(真係估你唔到, 原來你咁鍾意體力勞動, 滴住汗都話好玩, 怪人一名)

DSC02579

我覺得與朋友夾份租一塊田也不錯, 因為朋友的一半可以用來種花, 種果, 而我的一半就留給SY周末過來鋤泥, 放電…如果有朋友想租鋤泥員, 我可以外判…CALL 我!

DSC01179

 

都市綠洲

地點:九龍觀塘道 2 號 A 

電話:2718-3008

網址:www.cfsc.org.hk

 

熱門文章

【恐怖意外】疑遭主人冷落 巴西家犬將26日大雙胞胎女嬰咬死
07-03
【罕見病例】21週產檢獲告知懷有畸胎 新抱被老爺強逼誕下「雙頭嬰」
07-03
【港人移居英國】5個家庭每月日常生活開支詳細公開
07-03
【移英錦囊】英國10大短缺工種全國需求率比較
07-03
【甜到漏】結婚7年 痴漢Feel甜望老婆食雪糕 陳豪陳茵媺初戀式拍拖勁甜蜜
07-02