【湯水懶人包】消暑清熱 一湯兩食 冬瓜草菇瑤柱湯
2018-07-19
近日天氣時晴時雨，又熱又悶，無論大、小朋友最好有啖湯飲吓消暑。但在職和全職媽都忙到爆，想快手煲湯，不妨去街市買齊以下材料，半個鐘煲個冬瓜草菇瑤柱湯，既消暑又清熱，加個飯落去仲可變身冬瓜湯飯，一湯兩食慳番好多煮食時間！
現在吃冬瓜最合時，肉白細嫩，具利尿消腫、清熱解暑的作用，不過冬瓜性質寒涼，最好加片薑中和一下。
一般會配冬菇，今次以草菇代替，有另一番味道；草菇本身有解暑、消暑熱、增強抵抗力的功效，有人怕一陣草腥味，其實用大滾水飛水就可以了。
加入瑤柱、瘦肉，可提升湯水的鮮甜味；到差不多煲好時，灑上夏天才有的食材—-夜香花，為湯添上一份清新！
冬瓜草菇瑤柱湯（3-4碗）
材料:
冬瓜1斤、草菇6両、瑤柱數粒、瘦肉4両、夜香花3両、薑1-2片、水2公升
做法：
1.夜香花沖洗一下。
2.瑤柱沖洗淨，用熱水浸軟，連水備用。
3.冬瓜連皮洗淨，切件。
4.瘦肉用溫水飛水，取出沖走雜質。
5.草菇以滾水飛水。
6.煮滾2公升水，放入所有材料，水必須過材料面，煲30分鐘，放入夜香花再煲5分鐘，即成。
