【傑。斯與晴】簡易夏日消暑清甜勝瓜煮蜆湯
2018-07-22
大熱天時又真係唔太想煲老火湯，但又想屋企人有啖清甜湯水飲，點攪好呢？
喺唔知煮咩好嘅情況下遊走下街市都好嘅，仲俾我見到又大又好肉嘅新鮮蜆添！
買來蒜蓉豆豉炒就夠晒惹味，不過今次我就揀咗用來滾瓜湯。
今晚一於整個清甜又消暑嘅勝瓜蜆湯啦！
勝瓜嘅好處
勝瓜亦即係絲瓜，最啱就係夏天食用，既可消暑解熱、化痰止咳又可以疏通經絡，而且仲有美顏嘅作用添架，所以我同小JM都好喜歡食。
同時勝瓜亦係一眾女性及母乳媽媽嘅恩物之一，因為勝瓜對產後乳汁不通、預防乳腺增生及月經不調都有一定幫助架。
當然，孕媽媽及體虛易肚瀉人士就要少食啦！