【龍鳳Babies G & 孖媽Gloria】在職媽媽也不是閒的!
2018-08-10
孖媽家沒有姐姐,平常依賴婆婆公公照顧babies G和煮晚飯。
孖媽家的家務都是我們兩公婆分擔的,由於老公返夜,
所以夜晚的家務大部分都係孖媽自己搞掂!
放工回到家最快都6:30,即刻沖涼~
然後開洗衣機洗大人衣服,食飯,同時間一路餵Bbs 加固!
洗碗,晾衫,再開機洗BB衫~
吸塵拖地(已經懶到隔日做),再泵奶~~
之後同婆婆一人餵一個食奶+氹瞓覺~
瞓晒覺婆婆返屋企…
孖媽繼續洗烚奶樽、泵奶配件,晾BB衫,
再清潔bbs每日玩嘅玩具,play mat 、high chair & sofa!
其實中途都仲會陪玩一陣,親子時間!!!
書卷味要食落肚先有~~haha
勁好彩嘅最快11點孖媽可以預備瞓,
但多數都唔好彩,可能bb食奶唔合作/氹極都唔瞓。
或者瞓咗轉頭又醒番~~12點有得瞓已經好好~~
第二朝又6點半起身泵奶返工。
基本上由返到屋企6:30嗰刻到瞓覺12點前都係忙到無停手,
電話都唔得閒睇。
都仲未講bbs唔舒服又要餵藥,
做多咗清潔,仲要半夜成日起身望望。
其實我已經好感恩,老公朝早會負責部分家務,
又同bbs親子下,夜晚有時放工返嚟Bbs扭計,佢又會叫我休息等佢接手。
但總有說話聽到覺得孖媽我好閒,可以做更多!!!!
嬲~~唔識湊又唔使湊~仲多多意見!!!討厭呀~~~~