【荔枝孖媽】生日快樂 給孖寶的一封信

時間過得好快，居然這樣就過了三年，BB嘅成長速度真係太令人不可思議。

每年，我哋都會為孖寶預備生日蛋糕慶生，但今年比較特別，因為2個小人都有主見了，對蛋糕嘅要求就係蛋糕上面要有2架車車。我覺得孖寶好幸運，有好多愛錫他們嘅家人，孖媽一直認為，生日就係應該同我哋鍾愛嘅家人一起渡過。

孖寶3歲生日就這樣簡單地渡過，平安健康地成長，恩慈信實、平安喜樂就係孖媽最大嘅心願。3歲嘅你倆有時好固執，甚至有時會同媽咪鬥氣，但你倆亦係最窩心嘅孩子s，時常都會關心媽咪同家人。

雖然有時你哋兩兄弟會爭嘢，但外出時你哋都係媽咪最好嘅小幫手；如果媽咪自己1打2帶兩個出街，你哋就會自己食飯，成日都會幫媽咪拎重嘢，我嘅兩個小情人啊！呵呵！

接住邁向四歲呢一年，孖媽相信你哋會有更多成長，好快要開始讀幼稚園啦，肯定接住呢一年我哋少不免會有啲衝突，媽咪亦可能會阻止你哋做一啲關係到你哋安全嘅事、而你哋2個亦可能會繼續哭笑中打打鬧鬧，但係孖媽希望你哋繼續保存這個開心快樂的笑容，繼續擁有樂觀態度同大笑嘅能力。

愛你們呀～Happy 3rd birthday！

孖寶，3歲生日快樂！