【熱話】日本打風航班取消 港媽攜子女霸機場育嬰室過夜

超強颱風西馬侖早兩日在日本西部地區登陸，造成多班來往香港及關西地區航班取消或延誤。有在日旅遊的家庭受颱風影響，從大阪返回香港的航班取消，最後這位港媽決定在機場渡過一晚，不過瞓的，是育嬰室。

這位香港媽媽在Facebook分享了自己瞓機場的經歷，內容指自己第一次瞓機場，帶同小朋友一起「霸佔」了一間育嬰室。她形容育嬰室地方很大，房中有房，有梳化、熱水、充電位、洗手盤、廁所等設施。不過，她指出育嬰室「大人就無得瞓得舒服，但小朋友算係ok。」

她亦解釋自己瞓機場的原因。她稱自己又收到訊息，知道航班被取消一刻起，她開始不斷尋找替代方案，例如曾有朋友可提供民宿給她留宿，不過她指自己下周一要再飛沖繩，有要事處理，因此不能留日本太久，希望能瞓機場儘快回港。

此貼一出，隨即引大迴響。她的貼文被分享到不同的Facebook群組，不少網民回應她自私，影衰香港。「仲好意思自己講出嚟，唔通覺得好威」，「你一家大細霸晒間育嬰室嚟當酒店房瞓真係誇張又過分！」、「同前嗰排為咗快，而呃航空公司職員自己懷孕嘅港媽有咩分別？」

更有媽媽留言指「作為一個阿媽，堅係鄙視佢！雖然我係一個大膽媽媽，會喺公眾地方餵人奶，唔使特登去育嬰室。但係對於有需要嘅媽媽同BB，育嬰室真係好重要…佢自己都係人阿媽，點解可以自私到咁？！」，不少網民對此都表示贊同。

不過媽媽自己也知道文章在Facebook流傳，疑似回應亦在群組流出。她質問分享至群組的友人，有必要將文章公審？她寫道：「小朋友已累到企喺度都瞓得着，三個喼，兩個背包，一箱水果，搵個位俾小朋友瞓都唔得？得一個外國男人入過來想加水，冇人入過來，無bb。如果有，我會唔即讓俾人用？好心唔好咁睇人，唔知頭唔知路的人就真係以為我好XX（粗口）！….出面機場一張凳都無得坐，我湊住兩個可以點…」

不過網民對於次解釋就不太受落，都留言指「其實有3個喼，如果係我，會比小朋友瞓喼上面算」、「果然係唔檢討」、「點解仲要覺得咁做無問題，仲要曬出黎！人無恥就無敵😡」

疑似事主與網民的爭論

來源：Facebook將軍澳群組