【淚流滿面】感性小豆: 媽媽可否不要老不要死?
2018-10-17
「世上只有媽媽好，有媽的孩子像個寶。」十月懷胎，天天哺養，媽媽與孩子的血脈相連，媽媽任勞任怨，孩子愛媽媽，知恩回報，這是人之常情。近日麥雅緻就 分享了大女兒小豆淚流滿面的照片。究竟發生了甚麼事令小豆哭成淚人呢? 原來是母女在車上談及到生命問題，「感性小豆」得知媽媽有天會老會死，難過得流淚，更承諾做個乖孩子少令媽媽激氣，讓媽媽身體更健康，麥雅緻聽到也眼框泛淚。
麥雅緻講述事件：
「今日同小豆傾計，傾到一個生命嘅話題，原本佢問我乜嘢會變老，乜嘢唔會，佢講咗一連串動物之後，我解釋俾佢聽，基本上有生命嘅嘢，都係會變老㗎⋯ （因為車上掛咗twin stars 公仔) 佢就問twin stars會唔會老？唔會，因為twin stars 係公仔黎架！Jack Jack 呢？ 唔會，因為 Jack Jack 係卡通公仔。
然後佢突然之間問我： 媽媽你會唔會老？ 會唔會死㗎？
我話會㗎⋯媽媽都會老，媽媽都會死 ⋯
咁佢就話死咗係咪會飛上去個moon 🌙嗰度? ( 因為之前我嫲嫲離開就話俾佢知太嫲去咗月亮度（佢間中抬頭望到月亮，都會覺得太嫲睇緊佢 ⋯ ）
之後大家靜咗⋯ 我回頭望佢嘅時候，我已經見佢流緊眼淚⋯ 佢細細聲講：媽媽我唔想你老唔想你死⋯😭😭😭😭
豆豆，媽媽好努力做運動，希望健康d，照顧到你同細佬大個先⋯ 你激少d媽媽，媽媽就唔會老得咁快㗎喇⋯
佢好認真咁問，點解我激你會老嘅？
我話： 因為激氣對身體唔好唔健康㗎⋯
佢即刻話：好啦咁我做個乖孩子唔激你喇媽媽⋯
我喺車內都眼框泛淚 ⋯ 」